Eldiń ońtústiginde jeksenbi kúni aıaz bolyp, jel kúsheıedi
ASTANA. QazAqparat - Qazaqstannyń barlyq bóligi antıtsıklonnyń yqpalynda bolady, qar jaýmaıdy. Alaıda respýblıkanyń keı jerlerinde jel kúsheıip, tuman túsip, boran bolady, dep habarlaıdy «Qazgıdromet» RMK.
Sınoptıketrdiń málimetterine qaraǵanda, Ońtústik Qazaqstan, Qyzylorda oblystarynda jel sekýndyna 15-20 metrge deıin, ekpini 23-28 gradýsqa deıin kúsheıedi.
Jambyl oblysynda tuman túsip, jeldiń jyldamdyǵy sekýndyna 15-20 metrge, ekpini 23 metrge jetedi.
Almaty oblysynyń Jalańashkól aýmaǵynda jel sekýndyna 18-23 metrge deıin kúsheıedi, keı jerlerde tuman túsedi dep kútilýde.
Soltústik Qazaqstan, túnde Mańǵystaý oblysynda jel sekýndyna 15-20 metrge deıin jetedi.
Shyǵys Qazaqstan oblysynyń keı jerlerinde tuman túsip, jeldiń jyldamdyǵy sekýndyna 15-20 metrge jetedi. Qostanaı, Pavlodar, Qaraǵandy oblystarynyń keı jerlerine tuman túsedi.
Almaty, Jambyl, Mańǵystaý, Ońtústik Qazaqstan oblystarynda kúshti aıaz bolady, keı jerlerde óte kúshti aıaz bolady. Qaraǵandy, jáne Shyǵys Qazaqstan men Qyzylorda oblystarynyń keı jerlerinde de úskirik aıaz bolady degen boljam bar.
