Eldiń ońtústigi men ońtústik-shyǵysynda aýa raıy jaýyn-shashynsyz bolady dep kútilýde - 9 qańtarǵa arnalǵan aýa raıy boljamy
ASTANA. 8 qańtar. QazAqparat - Qazaqstannyń basym aýmaǵy frontaldy aǵymdardyń yqpalynda bolady, soǵan baılanysty aýa raıy turaqsyz bolady dep kútilýde, keı jerlerde qar jaýyp, tuman túsedi, kóktaıǵaq ornap, ekpindi jel soǵady, dep habarlady Qazgıdrometke silteme jasaı otyryp QR TJM-niń baspasóz qyzmetinen.
Respýblıkanyń ońtústik, ońtústik-shyǵysy antıtsıklonnyń yqpalynda bolady, soǵan baılanysty aýa raıy jaýyn-shashynsyz bolady dep kútilýde.
Almaty oblysynda Jalańashkól mańynda 20-25 m/s jyldamdyqpen jel soǵady, onyń ekpini 30 m/s-qa deıin jetedi.
Qyzylorda, Soltústik Qazaqstan, Qaraǵandy oblystarynda keı jerlerde tuman túsedi.
Shyǵys Qazaqstan oblysynda keı jerlerde qarly burqasynmen 15-20 m/s-qa deıin jel kúsheıedi.
Mańǵystaý, Aqtóbe, Qostanaı oblystarynda keı jerlerde tuman túsedi, 15-20 m/s jyldamdyqpen jel soǵady.
Atyraý oblysynda keı jerlerde tuman túsedi, kóktaıǵaq ornap, 15-20 m/s-qa deıin jel kúsheıedi.
Batys Qazaqstan oblysynda keı jerlerde qarly burqasyn bolyp, kóktaıǵaq ornap, 15-20 m/s jyldamdyqpen jel soǵady.
Aldaǵy táýlikterde respýblıkanyń jekelegen taýly ózenderinde muz qatý úrdisterine baılanysty sý deńgeıiniń aýytqýshylyǵy baıqalady.
