Eldiń keshendi baǵdarlamasynyń biri - turǵyn úı-kommýnaldyq sharýashylyǵyn jańǵyrtý
ASTANA. 14 jeltoqsan. QazAqparat - Memleket basshysy Nursultan Nazarbaev bıylǵy halyqqa arnaǵan Joldaýynda turǵyn úı-kommýnaldyq sharýashylyqty damytý jóninde arnaıy toqtaldy.
Úkimetke ákimdermen birlese otyryp jańa baǵdarlama daıyndaýdy tapsyrdy. «Azamattardyń ómir sapasynyń ozyq kórsetkishi - turǵyn úı jaılylyǵynyń deńgeıi. Sońǵy 10 jylda turǵyn úı qory 30 mıllıon sharshy metrge ulǵaıdy. Bul búginde bir mıllıonnan astam azamat jańa páterlerde turady degendi bildiredi. Bul - bizdiń turǵyn úı saıasatymyzdyń mańyzdy nátıjesi»,- dedi N.Á. Nazarbaev.
Elbasynyń tapsyrmasyna sáıkes halyqtyń qolaıly tirshilik jaǵdaılaryn qamtamasyz etý jáne kommýnaldyq ınfraqurylym jaı-kúıin jaqsartý maqsatynda Qazaqstan Respýblıkasynyń turǵyn úı-kommýnaldyq sharýashylyǵyn jańǵyrtý baǵdarlamasy qabyldandy.
Baǵdarlamany iske asyrý resýrs únemdeýshi tehnologııalardy paıdalana otyryp, turǵyn úı qatynastarynyń ońtaıly modýlderin qurý jáne kommýnaldyq ınfraqurylymdy jańǵyrtý, paıdalaný shyǵyndaryn tómendetý, ınvestıtsııalyq áleýetti damytý jáne jekemenshik kapıtaldy tartý arqyly júzege asyrylatyn bolady.
Joǵaryda kórsetilgen is-sharalardy qarjylyq qamtamasyz etý maqsatynda kúrdeli jóndeýdi qaıtarymdy qarjylandyrý jáne kondomınıým obektilerin termojańǵyrtýdyń shemasy ázirlendi.
Sonymen qatar turǵyn úı men kommýnaldyq obektilerge jóndeý júrgizý jáne qaıta qurý úshin jınaqty jáne turǵyndar men qarjy quraldaryn jeke menshik ınvestorlarynyń qosa qarjylandyrýyn yntalandyrý tetigin ázirleý boıynsha jumys júrgiziletin bolady.
Tutastaı alǵanda, Baǵdarlamany iske asyrý 81 myńnan astam km. jylýmen, elektrmen jáne gazben jabdyqtaý jelilerin jańǵyrtýǵa múmkindik beredi. Osy Baǵdarlamany qarjylandyrýdyń jalpy kólemi ony iske asyrýdyń búkil kezeńinde barlyq baǵyttary boıynsha 64,9 mlrd. teńgeni quraıdy.
Turǵyn úı qatynastarynyń jańa modýlderimen birlesip qarjylandyrýdyń arnaıy tetikteri esebinen 11 myń 624 úı jóndeletin bolady.
