Eldiń ishki jáne syrtqy saıasatyn júrgizýde Elbasy Qazaqstandy, qazaq halqyn búkil álem jurtshylyǵyna tanyta bildi - M.Qýanǵalıev
ASTANA. 29 jeltoqsan. QazAqparat /Marlan Jıembaı/ - "Qazaqstan halqyn referendým ótkizý týraly bastamany qoldap, Prezıdent N.Nazarbaevqa jalpyhalyqtyq qoldaý bildirýge shaqyramyz", - dedi «Kaspıımunaıgaz» ǵylymı zertteý jáne jobalaý ınstıtýty» AQ bas dırektory Myrzabek Qýanǵalıev Elbasy N.Nazarbaevtyń ókilettigin 2020 jylǵy 6 jeltoqsanǵa deıin uzartý jóninde respýblıkalyq referendýmdy ótkizý bastamasyna arnalǵan mıtıngte.
«Kaspıımunaıgaz» ǵylymı zertteý jáne jobalaý ınstıtýty» AQ-y ujymy QR Prezıdenti N.Nazarbaevtyń ókilettiligin 2020 jyldyń 6 jeltoqsanyna deıin uzartý jónindegi respýblıkalyq referendým ótkizý jónindegi bastamany biraýyzdan qabyldap, tolyqtaı qoldaıtyndyǵyn atap ótken ol: «Elimiz táýelsizdik alǵan kezden beri Memleket basshysy qoǵamdy demokratııalyq jolmen damytýǵa, dáýletti el bolýǵa bastap keledi. Naryq ekonomıkasynyń ózegi retinde halyqtyń ál-aýqatyn jaqsartý baǵytyndaǵy áleýmettik mańyzy zor baǵdarlamalardy júzege asyrdy. Eldiń ishki jáne syrtqy saıasatyn júrgizýde Elbasy Qazaqstandy, Qazaq halqyn búkil álem jurtshylyǵyna tanyta bildi», - dedi.
Sondaı-aq ol erteńgi kúnge degen senim, qazaqtyń berekeli jeriniń tynyshtyǵy úshin barsha Qazaqstan halqyn referendým ótkizý týraly bastamany qoldap, Prezıdent N.Nazarbaevqa jalpyhalyqtyq qoldaý bildirýge shaqyrdy.
