«Eldiń erteńi - qazaqtyń qolynda!» - respýblıkalyq basylymdarǵa sholý
ASTANA. Qańtardyń 28-i. QazAqparat - Qazaq aqparat agenttigi respýblıkalyq basylymdarda qańtardyń 28-i, beısenbi kúni shyqqan ózekti materıaldarǵa sholýdy usynady.
***
«Jetimderin jerge qaratpaǵan qazaq eli úshin asyraýshysy joq balalardy shetel asyrýǵa qatysty másele úshinshi daýǵa aınalǵaly kóp boldy. Birazdan beri bul másele tynshyp qalǵandaı edi, biraq keshe Parlament qabyrǵasynda ol qaıta kóterildi. Osy kúni 1999 jyldan beri sheteldikterdiń 8 myńnan astam qazaqstandyq balany alyp ketkendigi aıtyldy. Jalpy eldegi ahýaldy eskerip, Elbasynyń «20 mıllıondyq» meje belgilegenin eske alyp, endi el bolyp, bılik bolyp, «baǵyp-qaǵa alatyn túrimiz joq, jetimder shetke kete bersin» deýshilerdiń ýájine toıtarys beretin ýaqyt jetti», dep jazady «Aıqyn» gazeti. Keshe Parlamenttiń tómengi palatasynda bala asyrap alýǵa qatysty qujat qaralǵan bolatyn. Osyǵan oraı basylymda «Bala asyrap alýdaǵy bastamamyz jaqsy» degen taqyryppen maqala jarııalandy. Alqaly jıynda Bilim jáne ǵylym mınıstri Janseıit Túımebaevtyń keltirgen derekterine sáıkes 10 jyldyń ishinde qazaqstandyq azamattar 28 myńnan astam balany asyrap alǵan. Bul kórsetkish sońǵy 10 jylda asyrap alynǵan barlyq balanyń 70 paıyzyn quraıdy eken.
Keshe Almatyda bir top ult zııalylary jınalyp, Qytaı túrmelerinde 40 jyl ómirin ótkizgen jazýshy, alty tomdyq «Qylmys» romanynyń avtory Qajyǵumar Shabdanulyn Mádenı saıasat jáne ónertaný ınstıtýtynyń atynan QR Memlekettik syılyǵyna usyndy. «Aıqyn» gazetiniń jazýynsha, qalamger atalǵan romanynyń alǵashqy 2 tomyn bostandyqta jazsa, qalǵan 4-eýin túrmede jazǵan. Basylym betinde jaryq kórgen maqala «Qajyǵumar memlekettik syılyqqa laıyq!» degen taqyryppen berilgen.
Dál 15 kúnnen keıin Kanadanyń Vankýver qalasynda qysqy 21-shi Olımpıada oıyndarynyń bastalatynyna toqtalǵan «Aıqyn» gazeti onda sarapqa salynatyn sport túrleri, qaı elder arasynda báseke ótetindigi, Qazaqstan osyǵan deıingi qysqy baıraqty básekede qalaı óner kórsetti degen máselelerdi tereńnen qaýzaǵan. «Búgingi tańda Qazaqstan sportshylary Olıpıadanyń 37 lıtsenzııasyna ıelik etti», dep jazǵan basylym irikteý jarystarynyń aıaqtalmaǵanyn da atap ótken. Aıta keteıik, keshe shańǵy sportynan sportshylarymyz taǵy 2 lıtsenzııaǵa qol jetkizgen bolatyn. Sonymen Qazaqstan lıtsenzııasy 39-ǵa jetti.
***
«Sensatsııaǵa toly chempıonat». Osy taqyryppen «Nur Astana» gazetinde jaryq kórgen kólemdi maqalada elordanyń tórinde ótken bokstan Qazaqstan chempıonatyna keńinen toqtalǵan. «Atalmysh jarysta shyǵysqazaqstandyq boksshylar komandalyq básekede tuńǵysh ret 4 altyn, 2 kúmis, 1 qola júlde ıemdenip, top jardy. Astana qalasy 3 altyn, 1 kúmis, 3 qolamen ekinshi orynǵa ıe bolsa, 3 altyn, 1 kúmisi bar Qostanaı úzdik úshtiktiń qatarynan oryn aldy», dep jazady basylym.
«Ult birligi doktrınasyn» jaqtaǵan da, dattaǵan da maqalalar merzimdi basylymdardyń betinde jıi kóterilip júrgenine de biraz boldy. Sondaı jarııalanymnyń biri «Nur Astana» gazetiniń búgingi sanynda «Eldiń erteńi - qazaqtyń qolynda!» degen taqyryppen berilgen. «Doktrınanyń arqasynda búgingi qaza qoǵamynyń azamattary ózindik oı-pikirleri qalyptasqandyǵy jáne ony ashyq aıtýǵa daıyn ekendigin dáleldeı bildi. Ómirdiń shyrǵalańy men bultarystarynda ańǵal bala tárizdi ańyrap qalmaı, óz betinshe jol izdeıtinin ańǵartty. Olaı bolsa, qujattyń qoǵamǵa silkinis ákelgeniniń ózin ıgi nyshan dep baǵalaýǵa tolyq negiz bar», dep jazady basylym.
***
«Astana aqshamy» gazetiniń búgingi nómirinde Astana qalalyq turǵyn úı basqarmasynyń bastyǵy Serik Ospanovpen aradaǵy suhbat jaryq kórdi. Ekeýara áńgime memlekettik turǵyn úı baǵdarlamasyna, ákimdik tarapynan beriletin jaldamaly úıge qatysty órbigen. Basylymnyń saýaldaryna tuşymdy jaýap bergen S.Ospanovtyń suhbaty «Baǵdarlamanyń jalǵasy bar» degen taqyryppen jaryq kórdi.
Osy basylymnyń «Áleýmet saýaly - ákim jaýaby» turaqty aıdarynda elorda basshysy Imanǵalı Tasmaǵambetov qala turǵyndarynyń saýaldaryna jan-jaqty jaýap bergen.
Aldymyzda Uly Otan soǵysy jeńisiniń 65 jyldyq mereıtoıy kele jatyr. Osynaý ataýly kúnge oraı «Astana aqshamy» basylymy Astana qalalyq ardagerler keńesiniń tóraǵasy Qýanysh Alpysbekovten Aqmola oblysynan maıdanǵa attanǵan azamattary jaıynda syr tartqan.
«Astana aqshamy» gazeti «Kúmis qońyraý» qosymshasynyń «Meniń kóshem» báıgesine oraı elordalyq oqýshylardyń maqalalary toptastyrylyp berilgen.
***
«Qazaqstanda taǵy bir jańa «999» atty kórkem fılm túsiriledi», dep jazady «Ekspress-K» gazeti. Basylymnyń jazýynsha, basty rólde almatylyq reper, «Metıs» jobasyna qatysýshy Valerıı Zadarovskıı oınamaq. Jazylǵan jaıttyń egjeı-tegjeıin basylymnyń búgingi nómirinen oqı alasyzdar.
«Izvestııa-Kazahstan» basylymnyń jazýynsha, Qaraǵandy oblysyndaǵy burynǵy «Darıal-Ý» radıolakatsııalyq stansysynyń ǵımaratynyń qıraýynan úıindi astynda qalǵan azamattardy izdeý jumystary 5 kún boıy júrgizilip jatyr. Іzdeý-qutqarý jumystaryna barlyq kúsh jumyldyrylǵanmen úıindi astynda qalǵan 3 azamatty tabý múmkin bolmaı otyr.
«Argýmenty ı fakty Kazahstan» gazetiniń jazýynsha, elordalyq oqýshylar QR Prezıdentiniń rezıdentsııasy Aqordaǵa saıahat jasaǵan. Elordanyń úzdik jáne belsendi 30 oqýshysy Memleket basshysynyń joǵary mártebeli qonaqtardy qabyldaıtyn, el basshylarymen kelissózder ótkizetin zaldaryn kórý baqytyna ıe bolǵan.
«QR Tóraǵalyǵy EQYU - EO pikirtalas sheńberin birshama keńeıtti», dep jazady «Kazahstanskaıa pravda» gazeti. Basylymnyń jazýynsha, Brıýsselde QR Memlekettik hatshysy - Syrtqy ister mınıstri Qanat Saýdabaevtyń qatysýymen EQYU - EO Saıası dıologynyń kezekti raýndy ótken.
Kezdesý barysynda Eýroodaq tarapynan Qazaqstanǵa naryqty ekonomıkalyq el mártebesin berý baǵytyndaǵy jumystardyń belsendirek júrgizilýi qajettigi atalyp ótilgen. Mundaı mártebe AQSh tarapynan 2002 jyly berilse de Eýroodaq áli asyqpaı kelgen. Sonymen birge, kezdesý barysynda Qazaqstannyń EQYU-ǵa tóraǵalyq etý taqyryby da qozǵalyp, Eýroodaq tarapynan jańa tóraǵanyń bastamalaryna qoldaý kórsetiletini aıtylǵan.
