Eldiń eki óńirindegi avtojoldarǵa shekteý qoıyldy
ASTANA. 1 naýryz. QazAqparat - Aýa raıynyń qolaısyzdyǵyna baılanysty (qar, boran, jol kórinisiniń shekteýligi) 28 aqpan kúni respýblıkanyń birqatar joldaryna qoıylǵan shekteýler alyndy. Bul týraly «Qazavtojol» RMK-dan habarlady.
Máselen, Aqmola oblysynda:
"Astana-Petropavl" 18-232 shaq., Astana q. - Şýchınsk q. aralyǵynda;
"Ekaterınbor-Almaty" 856-1247 shaq., Soltústik Qazaqstan obl.shekarasy - Astana q. aralyǵynda;
"Kókshetaý-Omby" a/j 2-50 shaq. aralyǵynda;
"Kókshetaý q.aınalymy" a/j 0-18 shaq. aralyǵynda;
"Astana-Petropavl" a/j 280-293 shaq., 17 bólim-Kókshetaý q.; 304-341 shaq., Kókshetaý q.-Soltústik Qazaqstan obl.shekarasy aralyqtarynda;
"Astana-Petropavl" a/j 232-280 shaq., Şýchınsk-Kókshetaý q. aralyǵynda;
"Kókshetaý-Atbasar" 0-84 shaq.;
"Şýchınsk-Zerendi" 0-80 shaq.;
"Astana-Ereımentaý-Shiderti" a/j 16-205 shaq., Astana q.-Pavlodar obl.shekarasy aralyǵynda;
"Kókshetaý-Rýzaevka" a/j 0-61 shaq. aralyǵynda;
"Makınsk-Aqsý-Torǵaı" a/j 0-120, 125-240 shaq.;
"Ekaterınbor-Almaty" a/j 1280-1353 shaq., Astana q-Qaraǵandy obl.shekarasy aralyǵynda jol ashyldy.
Sondaı-aq Aqtóbe, Soltústik Qazaqstan, Qaraǵandy, Qostanaı oblystary aýmaqtaryndaǵy barlyq joldar qozǵalys úshin qaıta ashyldy.
Al Pavlodar oblysynda avtokóliktiń barlyq túrleri úshin "Astana-Ereımentaý-Shiderti" a/j 205-259 shaq., Aqmola obl.shekarasy-Shiderti aralyǵynda jol qozǵalysyna tyıym salyndy.
Sondaı-aq avtokóliktiń barlyq túrleri úshin Shyǵys Qazaqstan oblysynyń kelesi jol ýchaskelerinde shekteý qoıyldy:
- "Almaty-Óskemen" a/j 977-1075 shaq., Qalbataý-Q.Qaısenov a. aralyǵy;
- "Semeı-RF.shekara" a/j 2-113 shaq. aralyǵy;
- "Semeı-Qaınar" a/j 0-284 shaq. aralyǵy;
- "Qaraǵandy-Aıagóz-Buǵaz" a/j 707-900 shaq.,Aıagóz-Aqsýat aralyǵy;
- "Óskemen-Semeı" a/j 9-198 shaq., Gerasımovka a.-Semeı q. aralyǵy;
- "Óskemen-Shemonaıha-RF shekarasy" a/j 15-123 shaq., Glýbokoe-RF shekarasy aralyǵy;
- "Óskemen-Rıdder-RF shekarasy" a/j 15-191 shaq., Beloýsovka-RF shekarasy aralyǵy.
Atalǵan joldarda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy qar tazalaý tehnıkalary kezekshilikke shyqty.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777 telefony arqyly málimet alýǵa bolady.
