Eldiń eki óńirinde jol kóligi qozǵalysyna shekteý engizildi
ASTANA. QazAqparat - Qostanaı men SQO respýblıkalyq mańyzy bar joldarynda sý tasqynyna baılanysty jol kóligi qozǵalysyna shekteý engizildi, dep habarlady «Qazavtojol» RMK baspasóz qyzmeti.
Búgin Qostanaı oblysynda sý tasqynyna baılanysty Sarykól kentinen SQO shekarasyna deıin «Ekaterınbýrg-Almaty» (686-729 shaqyrym) jolynda kóliktiń barlyq túrine qozǵalys shekteldi.
SQO-da sý tasqynyna oraı Mamlıýt ýchaskesinen 20-shy shaǵynaýdanǵa deıin «Chelıabi-Novosibir» jolynda kóliktiń barlyq túrine jol jabyldy (528, 529 shaqyrymdy sý basty).
Budan basqa, oblystyń sý shaıǵan joldary:
1. «Ekaterınbýrg-Almaty» 766 shaqyrym (eni 200 m. jol erneýin sý shaıdy).
2. «Ekaterınbýrg-Almaty» 797 shaqyrym (Jem Baraq ózenindegi kópirdi sý shaıdy (uzyndyǵy - 46 m), konýsy men ótpeli plıtasy qırady).
3. «Ekaterınbýrg-Almaty» 835 shaqyrym (Aqan-Búrlik ózenindegi kópir (uzyndyǵy - 70 m), konýsy men ótpeli plıtasy qırady).
Kólik qozǵalysyna shekteý joq.
Sý tasqyny bolýy yqımal ýchaskelerde «Qazavtojol» RMK oblystyq fılıaldary jumyskerleriniń kúshimen nyǵaıtý jumystary júrgizilýde. Eskertý belgileri qoıylyp, táýlik boıy kezekshilik uıymdastyryldy.
