Eldiń eki oblysynda órtten úsh adam qaza boldy
ASTANA. QazAqparat - Eldiń eki oblysynda ótken táýlikterde órtten úsh adam qaza boldy, dep habarlady QR TJM baspasóz qyzmeti.
Jambyl oblysynyń Qordaı aýdany Qordaı aýylynda jekemenshik turǵyn úıden órt shyqty. Órtke qarsy qyzmet shaqyrylǵan joq, tilsiz jaýdy jergilikti turǵyndar joıdy. 2 sharshy metr aýmaq otqa oranǵan. Oqıǵa ornynan 66 jastaǵy er adamnyń máıiti tabyldy.
Qyzylorda qalasynda barak úlgisindegi jeke sektordaǵy úı páterleriniń birinde órt oryn aldy. Ony aýyzdyqtaýǵa QR TJM Qyzylorda oblysynyń TJD órt sóndirý qyzmetiniń 3 tehnıkasy men jeke quramnyń 15 adamy jumyldyryldy. 150 sharshy metr aýmaq otqa oranǵan. Oqıǵa ornynan 70 jastaǵy er adam men 78 jastaǵy áıel adamnyń máıitteri tabyldy.
