Eldiń burynǵy bas prokýrory oqqa ushty
ASTANA. QazAqparat - Mýammar Kaddafı taqtan taıǵannan keıin Lıvııanyń birinshi Bas prokýrory bolǵan Ábdelazız ál-Hasadıdi belgisiz bireýler óltirip ketti, dep habarlaıdy Reuters.
Lıvııada radıkaldy ıslamshyl retinde tanymal burynǵy sheneýnikti eldiń shyǵysyndaǵy Derna qalasynda oqqa baılaǵan. Lıvııa Іshki ister mınıstrligi qastandyq árekettiń qalaı oryn alǵandyǵy jaıynda tolyq aqparat taratqan joq. Degenmen, Reuters tilshileriniń derekterine qaraǵanda, ony týystarynyń úıiniń janynda atyp ketken.
Aıta keterligi, sońǵy apta ishinde Lıvııada Kaddafı taqtan taıǵannan keıin joǵary laýazymdy qyzmette bolǵan birneshe sheneýnik pen armııa ofıtserleri oqqa ushqan bolatyn. El bıligi bul qylmystarǵa burynǵy dıktator jaqtastarynyń qatysy bar degen kúdik keltirýde.
