Eldiń batysynda taǵy 2,5 myń gektarǵa jýyq dalaly alqap órtke orandy
ASTANA. Tamyzdyń 5-i. QazAqparat - Eldiń batysynda taǵy 2,5 myń gektarǵa jýyq dalaly alqap órtke orandy. Bul týraly QR TJM-nyń baspasóz qyzmetinen málim etti.
Máselen, tamyzdyń 3-i kúni tańerteń, Aqtóbe oblysy Shalqar aýdanyna qarasty Kótibar aýyldyq okrýginiń Alaqozy kentinde 325 ga alqap jandy. Órt aýyldyq okrýgtiń jergilikti 12 turǵyny men 3 tehnıkanyń kúshimen bir táýlikten keıin sóndirildi.
Sondaı-aq tamyzdyń 4-i kúni keshqurym, Aqtóbe oblysy Temir aýdanyna qarasty Temir aýyldyq orkrýgindegi Aqataı ótkeliniń 1200 ga aýmaǵyn ot sharpydy. Tilsiz jaý TJM Aqtóbe oblysy boıynsha TJD órtke qarsy qyzmetiniń 5 adamy men 1 tehnıkanyń, sondaı-aq jergilikti 7 turǵyn men 2 tehnıkanyń kúshimen alty jarym saǵattan keıin aýyzdyqtaldy.
Al tamyzdyń 3-i kúni Batys Qazaqstan oblysy Aqjaıyq aýdany Esentaı aýyldyq okrýginiń Aqjol sharýa qojalyǵynda bolǵan órt, dalaly alqaptyń 808 gektaryn joıdy. Jergilikti halyq jalynmen óz kúshterimen kúresip, ony bir táýlikten keıin tolyq joıdy.
TJM-nan málim etkendeı, barlyq jaǵdaıda qurbandar men zardap shekkender joq.
