Eldiń batysy men soltústiginde 22 tamyz kúni jańbyr jaýady dep kútilýde
ASTANA. 21 tamyz. QazAqparat - Qazaqstannyń batys, soltústik-batys jáne soltústik aımaqtarynda atmosferalyq aǵyndardyń áserinen kún kúrkirep, jaýyn jaýady, jeldiń ekpini kúsheıedi.
Bul týraly Qazgıdromet málimetterine súıene otyryp QR TJM habarlady. Respýblıkanyń qalǵan bólikterinde aýa raıy jaýyn-shashynsyz bolady.
Aqmola, Atyraý, Aqtóbe, Qostanaı, Qaraǵandy, Qyzylorda, kúndiz Batys Qazaqstan, Shyǵys Qazaqstan oblystarynyń keı jerlerindegi jel ekpini sekýndyna 15-20 metrge deıin kúsheıedi degen boljam bar, Qyzylorda oblysynda shań aralas daýyl soǵýy yqtımal.
Soltústik Qazaqstan oblysynda túnde jáne tańerteń keı jerlerde tuman túsedi. Kúndiz Jambyl oblysy, Ońtústik Qazaqstannyń keı jerlerinde, Qaraǵandy oblysynda qatty ystaq saqtalady. Respýblıkanyń ońtústigi, ortalyǵy jáne ońtústik-shyǵysynyń keı jerlerinde joǵary órt qaýpi saqtalady.
