Eldiń basym óńirindegi ashyq, aıazdy kún raıy juma kúni de saqtalady - Qazgıdromet
ASTANA. 19 qańtar. QazAqparat - «Qazgıdromettiń» boljaýynsha, 20 qańtar kúni Qazaqstannyń basym aýmaǵy sýyq antıtsıklonnyń yqpalynda bolady, onymen ashyq, aıazdy kún raıy kútilýde.
Atap aıtqanda, Ońtústik Qazaqstan, Aqtóbe oblystarynyń keı jerlerinde jaıaý burqasyn júrip, jeldiń ekpini 15-22 m/s-qa deıin kúsheıedi.
Jambyl, Qyzylorda jáne Batys Qazaqstan oblystarynyń keı aýmaqtarynda sekýndyna 15-20 metr jyldamdyqpen jel soǵady.
Atyraý oblysynyń jekelegen óńirlerinde - tuman, kóktaıǵaq, jaıaý burqasyn, 17-22 m/s jyldamdyqtaǵy jel boljanýda.
Mańǵystaý oblysynda tuman men kóktaıǵaq kútilýde.
Túnde Shyǵys Qazaqstan oblysynyń keı aýmaqtarynda, sondaı-aq tumandy bolady.
Gıdrologııalyq boljamdarǵa sáıkes, juma kúni Ońtústik Qazaqstan, Qyzylorda, Jambyl, Almaty jáne Shyǵys Qazaqstan oblystarynyń ózenderinde muz qatý protsesi kúsheıip, sý deńgeıleri kóterilýi múmkin. Almaty oblysynyń jekelegen ózenderinde muz keptelisteri qalyptasady dep kútilýde. Saldarynan sý deńgeıi kóterilip, ózenderdiń arnalarynan tasýy jáne sý basý jaǵdaılary bolýy yqtımal.
