Eldiń basym bóliginde jaýyn-shashyn saqtalady
NUR-SULTAN. QazAqparat - Atmosferalyq frontaldy bólikterdiń ótýine baılanysty 26 shilde kúni Qazaqstannyń basym bóliginde qubylmaly kún raıy kútiledi, jańbyr jaýyp, naızaǵaı oınaıdy. Respýblıkanyń tek ońtústiginde jaýyn-shashynsyz, ashyq aýa raıy saqtalady. Elimizdiń keı jerlerinde ekpindi jel, daýyl, burshaq, soltústikte tuman kútiledi, dep habarlaıdy QazAqparat.
«Qazgıdromet» RMK málimetinshe, Atyraý, Qaraǵanda, kúndiz Batys Qazaqstan oblystarynyń keı jerlerinde daýyl kútiledi, jel 15-20 m/s kúsheıedi. Keı jerlerinde burshaq jaýýy mýmkin.
Mańǵystaý, Aktóbe, kúndiz Aqmola, Almaty, Jambyl, Qyzylorda, Qostanaı oblystarynyń keı jerlerinde jeldiń kúshi 15-20 m/s artady. Aqmola, Qostanaı, Soltústik Qazaqstan oblystarynda túnde jáne tańerteń keı jerlerinde tuman kútiledi.
Pavlodar oblysynyń jekelegen aýmaǵynda tuman boljanady, burshaq jaýýy múmkin. Kúndiz naızaǵaı kezinde jel 18 m/s kúsheıedi.
Shyǵys Qazaqstan oblysynyń keı jerlerinde daýyl turyp, kúndiz burshaq jaýýy yqtımal. Túnde jáne tańeten tuman kútiledi.
Kúndiz Almaty, Túrkistan, Qyzylorda, Atyraý oblystarynda, Mańǵystaý, Batys Qazaqstan, Aqtóbe oblystarynyń keı jerlerinde qatty ystyq kútiledi.
Sondaı-aq Qyzylorda, Túrkistan, Jambyl, Aqtóbe, Almaty, keı jerlerde Qaraǵandy, Shyǵys Qazaqstan, Qostanaı oblystarynda óte joǵary órt qaýpi saqtalady.
