Eldiń basym bóliginde tuman men burqasyn kútiledi
ASTANA. QazAqparat - Respýblıkanyń soltústik, shyǵys jáne ortalyq aýdandarynda atmosferalyq fronttardyń ótýine baılanysty, 10 naýryz kúni keı jerlerde qar jaýyp, ońtústik jáne ońtústik shyǵys óńirlerde jaýyn-shashyn kútiledi. Bul týraly "Qazgıdromet" RMK-dan habarlady.
Jekelegen aýmaqtarda tuman, kóktaıǵaq bolyp, jaıaý burqasynmen birge jel soǵady.
Atap aıtqanda, Aqmola oblysynyń keı jerlerinde tuman, túnde jaıaý burqasyn kútiledi.
Almaty oblysynyń keı aýmaqtarynda tuman, kóktaıǵaq boljanady.
Jambyl oblysynyń keı jerlerinde tuman, kóktaıǵaq, jeldiń ekpini 15-20 m/s kúsheıedi.
Ońtústik Qazaqstan oblysynyń keı jerlerin tuman basyp, jeldiń jyldamdyǵy 15-20 m/s artady.
Mańǵystaý, Batys Qazaqstan, Aqtóbe, Qostanaı, Soltústik Qazaqstan oblystarynyń jekelegen jerlerinde tuman kútiledi.
Atyraý oblysynyń keı jerlerinde kúndiz jel 15-20 m/s kúsheıedi.
Túnde Qaraǵandy, Pavlodar oblystarynda 15-20 m/s ekpindegi jelge jaıaý burqasyn qosylady, Qaraǵandy oblysynda sondaı-aq tuman kútiledi.
Shyǵys Qazaqstan oblysynyń keı jerlerinde jaıaý burqasyn júrip, túnde jáne tańerteń tuman bolady.
