Eldiń basym bóliginde naızaǵaı oınap, jańbyr jaýady
NUR-SULTAN. QazAqparat - Atmosferalyq frontaldy bólikterdiń ótýine baılanysty 14 tamyz kúni respýblıkanyń basym bóliginde qubylmaly kún raıy saqtalady – naızaǵaı oınap, jańbyr jaýady. Jekelegen óńirlerde ekpindi jel, daýyl, shańdy daýyl, burshaq kútiledi, dep habarlaıdy QazAqparat.
«Qazgıdromet» RMK málimetinshe, Aqmola, Soltústik Qazaqstan oblystarynyń keı jerlerinde daýyl kútiledi, jel 15-20 m/s kúsheıedi, burshaq jaýýy yqtımal.
Jambyl, Qaraǵandy oblystarynyń keı jerlerinde daýyl, 15-20 m/s ekpindegi jel boljanady. Kúndiz burshaq jaýady.
Túrkistan, Mańǵystaý oblystarynyń keı jerlerinde shańdy daýyl turyp, jel 15-20 m/s artady. Túrkistan oblysynyń jekelegen aýmaqtarynda daýyl kútiledi.
Batys Qazaqstan, Qyzylorda, Qostanaı, Pavlodar oblystarynyń keı jerlerinde jeldiń kúshi 15-20 m/s jetedi. Pavlodar, kúndiz Qostanaı oblystarynda burshaq jaýýy múmkin. Qyzylorda oblysynyń kúndiz keı jerlerinde shańdy daýyl kútiledi.
Shyǵys Qazaqstan oblysynyń keı jerlerinde jeldiń jyldamdyǵy 15-20 m/s kúsheıedi. Tańerteń jáne kúndiz keı jerlerde burshaq boljanady.
Almaty oblysynyń keı jerlerinde 17-22 m/s ekpinde jel turyp, oǵan shańdy daýyl qosylady.
Sondaı-aq Qyzylorda, Túrkistan, Jambyl, Almaty, Qaraǵandy oblystarynyń basym bóliginde, Aqtóbe, Shyǵys Qazaqstan, Aqmola oblystarynyń ońtústiginde óte joǵary órt qaýpi saqtalady.
