Eldiń basym aýmaǵyndaǵy qar, burqasyn, uıytqyma jel, tuman jáne kóktaıǵaq sársenbi kúni de saqtalady - Qazgıdromet
TANA. 23 qarasha. QazAqparat - «Qazgıdromettiń» boljaýynsha, sársenbi kúni Qazaqstannyń basym aýmaǵy ózimen birge qar, burqasyn, uıytqyma jel, tuman men kóktaıǵaq alyp keletin atmosferalyq aǵyn bólikteriniń yqpalynda bolady. Al eldiń ortalyq jáne shyǵys óńirlerine antıtsıklon áser etpek.
Atap aıtqanda, Aqmola, Qostanaı, Soltústik Qazaqstan, túnde Shyǵys Qazaqstan, Aqtóbe oblystarynda burqasyndatyp, 15-22 m/s jyldamdyqpen jel soǵady. ShQO-da jeldiń ekpini 25 m/s-qa jetýi yqtımal.
Túnde Pavlodar, kúndiz Atyraý oblystarynyń jekelegen aýmaqtarynda sekýndyna 15-20 metr jyldamdyqpen jel soǵady.
Ońtústik Qazaqstan, Jambyl jáne Mańǵystaý oblystarynyń keı óńirlerinde tuman, kóktaıǵaq, 15-20 m/s ekpinde jel kútilýde.
Qyzylorda men Almaty oblystaryn tuman basady. Almaty oblysynda sondaı-aq, kóktaıǵaq bolady.
Al Astanada búgin, kóshpeli bultty, jaýyn-shashynsyz kún raıy boljanyp otyr. Batystan 9-14 m/s kúshpen jel soǵady, kúndiz aýanyń temperatýrasy -7-9, túnde -15-17 gradýsty quraıdy.
