Eldiń basym aýmaǵynda ótkinshi jaýyn jaýyp, keı jerlerde jaýynnyń sońy burshaqqa aınalady
TANA. 21 shilde. QazAqparat - Qazaqstan aýmaǵynyń basym bóligi atomosferalyq aǵyndardyń yqpalynda bolyp, jaýyn-shashyndy bolady, keı jerlerde ótkinshi jańbyr jaýyp, burshaq túsýi múmkin.
Keı jerlerde kún kúrkirep, jel kúsheıedi, dep habarlaıdy Qazgıdromet boljamyna silteme jasaı otyryp QR Tótenshe jaǵdaılar mınıstrligi.
Respýblıkanyń batysyndaǵy aýa raıy burynǵydaı ystyq jáne jaýyn-shashynsyz qalpynda saqtalady.
Aqmola, Qaraǵandy, Pavlodar, Shyǵys Qazaqstan, Almaty, Jambyl oblystarynda, kúndiz Aqtóbe, Qostanaı, Atyraý, Qyzylorda, Ońtústik Qazaqstan oblystarynyń keı jerlerinde kún kúrkirep, sekýndyna 15-22 metr jyldamdyqpen jel soǵady, Qaraǵandy oblysynda kúndiz nóser jańbyr jaýyp, burshaq túsedi.
Soltústik Qazaqstan oblysynyń keı jerlerine túnde jáne tańerteń tuman túsedi.
Atyraý, Batys Qazaqstan, Mańǵystaý oblysynda kún ysıdy, keı jerlerde kún óte ystyq bolady. Atyraý, Batys Qazaqstan, Ońtústik Qazaqstan, Qyzylorda oblystarynda, Jambyl oblysynyń batysynda, Almaty, Shyǵys Qazaqstan oblystarynyń soltústiginde óte joǵarǵy órt qaýpi saqtalady.
Aldaǵy táýlikterde Almaty, Ońtústik Qazaqstan, Jambyl jáne Shyǵys Qazaqstan oblystaryndaǵy taýly ózenderde sý deńgeıi kóteriledi. Qazaqstannyń basqa sýly nysandarynda aıtarlyqtaı ózgeris bolmaıdy.
