Eldiń aldaǵy damýynda Elbasy aıqyndaǵan Ult josparynyń mańyzy zor - Q. Toqaev
Jıyn barysynda ótken Prezıdent saılaýynyń tarıhı mańyzyn atap ótken Senat Tóraǵasy saılaýshylardyń 97,75 paıyzy Memleket basshysy N.Nazarbaevtyń syndarly saıasatyn tolyq qoldaıtynyn naqty dáleldegenin aıtty. «Barsha qazaqstandyqtar myzǵymas birligimen bıik maqsattarǵa birlesip qol jetkizetinin búkil álemge pash etti. Qazaqstan halqy Máńgilik El ıdeıasynyń negizi bolyp tabylatyn turaqtylyq pen qoǵamdyq kelisimdi jaqtap daýys berdi. Saılaýshylar elimizdiń jarqyn bolashaǵy jolynda ádil sheshim qabyldady. Halyqtyń parasatty tańdaýy - Nursultan Ábishuly Nazarbaevtyń el ıgiligi jolyndaǵy ólsheýsiz eńbeginiń jemisi dep bilemiz», - dedi Q. Toqaev.
Senat Tóraǵasy prezıdenttik saılaý naýqanyna qatysqan halyqaralyq baıqaýshylardyń saılaý úderisteriniń joǵary jaýapkershilikpen uıymdastyrylǵanyn jáne ádil, ashyq ótkizýge tolyq jaǵdaı jasalǵanyn málimdegenin de jetkizdi.
Budan bólek, spıker Elbasy Nursultan Ábishuly Nazarbaev aıqyndaǵan elimizdiń aldynda turǵan 5 aýqymdy ishki mindetke senatorlardyń nazaryn aýdaryp, Memleket basshysy jarııa etken «Memleketti qurýdaǵy budan bylaıǵy 100 naqty qadamy» qamtylǵan Ult josparynyń mańyzyn atap ótti.
«Elbasy atap ótkendeı, bul baǵdarlama jahandyq jáne ishki syn-qaterlerge jaýap jáne jańa tarıhı jaǵdaıda 30 damyǵan eldiń quramyna ený jolyndaǵy naqty jospar bolmaq», - deı kele Senat Tóraǵasy osy aýqymdy sharalardy ýaqytyly ári sapaly júzege asyrý basty mindet ekenin eske saldy.