Eldiń aqparattyq keńistiginde QazAqparat bolashaqta Ortalyq Azııadaǵy kóshbasshy bolmaq - Mádenıet jáne aqparat mınıstri
Bul týraly Mádenıet jáne aqparat mınıstri Darhan Myńbaı respýblıkalyq «Kazahstanskaıa pravda» gazetinde 3 mamyrda «Mádenıet jáne aqparat - ınnovatsııalyq damýdyń qýatty faktory» degen taqyrypta jarııalanǵan suhbatynda málim etti.
«2012 jyly QazAqparat aqparattyq agenttigin jańartý bastalady. Onyń tehnıkalyq bazasyn jańartyp, Internettiń zamanaýı múmkindigin eskere otyryp, jańa mýltımedıalyq servısterdi iske qosý josparlanýda. Bul, eń aldymen, onlaın-translıatsııalar, aqparattardy blogtar, tvıtter arqyly taratý, jazylý boıynsha eksklıýzıvtik servıs usyný jáne basqalary. Qytaı tilindegi nusqasyn iske qosý pysyqtalýda. Osy jańa ózgeristerdiń barlyǵy paıdalanýshylar sanyn táýligine 500 000-ǵa deıin ulǵaıtýdy qamtamasyz etýi tıis. Tutastaı alǵanda, QazAqparattyń aldyna ortamerzimdi kezeńde Qazaqstan men Ortalyq Azııa aqparat agenttikteriniń arasynda kóshbasshy bolý mindeti qoıylyp otyr», - dep atap ótti Darhan Myńbaı respýblıkalyq basylymǵa bergen suhbatynda.
