Eldiń 6 óńirinde aqshalaı kiris halyqtyń shyǵynyn jappaıdy

ASTANA. QazAqparat – Finprom.kz-tiń málimeti boıynsha, 2022 jyldyń tórtinshi toqsanynda halyqtyń jan basyna shaqqandaǵy ortasha aqshalaı kirisi 252,4 myń teńge bolǵan. Bul 202 jylǵa kórsetkishten 17,7% kóp degen sóz, dep habarlaıdy QazAqparat tilshisi.

Resýrstyń málimetinshe, 2021 jyly qazaqstandyqtardyń jan basyna shaqqandaǵy aqshalaı kirisi 214,5 myń teńge bolǵan. Bir qyzyǵy 2021 jyldyń aqyrǵy toqsanynda halyqtyń aqshalaı shyǵyny da 214,5 myń teńge ekeni tirkelgen. Al 2022 jyldyń osy kezeńinde shyǵyn kórsetkishi 15,1% artyp, 246,8 myń teńge bolǵan.

Óńirler arasynda aqshalaı kiristiń eń joǵary máni Astanada tirkelip otyr – jan basyna shaqqanda 357,3 myń teńge. Ekinshi orynda Qaraǵandy oblysy – 354,9 myń teńge. Alǵashqy úshtikti Ulytaý oblysy túıindep tur – 339,1 myń teńge.

Eń tómengi kórsetkish Túrkistan oblysynda – 163,3 myń teńge.

Sondaı-aq, 6 óńirde halyqtyń aqshalaı shyǵysy kirisinen asyp túsken. Almaty bolysynda halyqtyń jan basyna shaqqandaǵy aqshalaı kirisi shyǵynynan 14,8% az bolǵan. Jetisý oblysynda bul kórsetkish 14,5%, Shymkentte 8,6%, Almaty qalasnyda 8,2%, Túrkistan oblysynda 8%, Jambyl oblysynda 5,2%.