Eldiń 11 aıdaǵy jalpy ishki ónimi 7, 5 paıyzǵa ósti - Q.Kelimbetov
ASTANA. 28 jeltoqsan. QazAqparat / Marlan Jıembaı/ - Eldiń 11 aıdaǵy jalpy ishki ónimi 7, 5 paıyzǵa ósti.
Bul týraly búgin Úkimettiń selektorlyq formattaǵy otyrysynda QR Ekonomıkalyq damý jáne saýda mınıstri Qaırat Kelimbetov málim etti.
Memleket basshysynyń úkimet aldyna qoıǵan maqsattary men mindetterin júzege asyrý jyl basynan bastap ekonomıkanyń turaqty damýyna múmkindik bergenin atap etken ol : «Aldyn ala baǵalaý boıynsha qańtar-qarashadaǵy jalpy ishki ónim 7, 5 paıyzǵa ósti. 11 aıdyń ishinde qysqa merzimdik ekonomıkalyq ındıkator 7, 53 paıyzdy qurady» - dedi.
Mınıstrdiń atap ótýinshe, taý-ken óndirý sektorynyń 1, 6 paıyzdyq ósimine qaraǵanda, óńdeýshi ónerkásiptiń óndirisi 6, 7 paıyzdyq qarqynmen joǵary ósim kórsetip otyr. Onyń ishinde hımııa ónerkásibiniń ónimi - 22, 5, mashına jasaý, metallýrgııa ónerkásibi - 6, 7 paıyz ósim kórsetýde. «Tolyqtaı alǵanda ónerkásip óndirisiniń ónimi 3, 8 paıyzdy quraıdy», - dedi Q. Kelimbetov.
Onyń sózine qaraǵanda, óndiris ósiminiń joǵarǵy qarqyny Astana qalasy men Jambyl oblysynda tirkelgen.
