Eldimekender qashan aýyz sýmen 100% qamtylady
«Qazirgi ýaqytta respýblıka boıynsha jalpy uzyndyǵy 15,5 myń shaqyrym 76 toptyq sý qubyrlary bar, onyń ishinde 13,4 myń shaqyrym bolatyn 39 toptyq sý qubyry respýblıkalyq menshikte. Olar 1,2 mln adam mekendeıtin 631 aýyldy aýyz sýmen qamtamasyz etýde. Ótken jyly Almaty, Batys Qazaqstan jáne Qyzylorda oblystarynda 3 toptyq sý qubyry paıdalanýǵa berildi», - dedi S. Brekeshev Úkimet otyrysynda.
Nátıjesinde 343 kılometr jeli salynyp, 124,5 myń adam turatyn 13 aýyl men 1 qalada sýmen jabdyqtaý qamtamasyz etildi jáne jaqsardy.
«Bıyl toptyq sý qubyrlaryn salý jáne qaıta jańartý 16 nysanda júrip jatyr, onyń ishinde jyl sońyna deıin 8 nysan aıaqtalady. Búgingi kúni 2 nysan paıdalanýǵa berildi. Bul Presnov toptyq sý qubyrynyń ekinshi kezegi jáne Eskýlınsk ýchaskesin kóshirý jumystary. Bul jumystar nátıjesinde 5,8 myń adamy bar 5 aýyl sapaly aýyz sýǵa qol jetkize alady jáne Aqmola, Aqtóbe, Qaraǵandy jáne Qyzylorda oblystarynda 203 myń adam turatyn 51 aýyl men 3 qalada sýmen jabdyqtaý jaqsartylady», - dedi mınıstr.
Qalǵan 8 nysan boıynsha 2022-2023 jyldary paıdalanýǵa berý josparlanýda.
«Qýatty óńirler – el damýynyń draıveri» ulttyq jobasy aıasynda 5 jylda jalpy quny 36 mıllıard teńge bolatyn 11 toptyq sý qubyrlaryn salý jáne qaıta jańartý josparlanýda. Nátıjesinde 23,3 myń adamy bar 63 aýyl sýmen qamtylady jáne 43,4 myń adamy bar 37 aýylda sýmen jabdyqtaý jaqsartylady. Jalpy 5 jylda shamamen myń jarym shaqyrym toptyq sý qubyrlary salynyp, eldi mekenderdi sýmen qamtý kórsetkishin 100 paıyzǵa jetkizý josparlanýda», - dedi S. Brekeshev.
