Eldi mekenderdiń ataýyn ózgertýde jergilikti halyqtyń pikirin eskerý qaǵıdalary bekitildi
ASTANA. QazAqparat - Qazaqstan Respýblıkasy Úkimetiniń qaýlysymen ákimshilik-aýmaqtyq birlikterge, eldi mekenderdiń quramdas bólikterine ataý berý, olardy qaıta ataý, sondaı-aq olardyń ataýlarynyń transkrıptsııasyn naqtylaý men ózgertý kezinde tıisti aýmaq halqynyń pikirin eskerý qaǵıdalary bekitildi.
Atalǵan qujatqa sáıkes, jergilikti atqarýshy organdar oblystarǵa, aýdandarǵa, respýblıkalyq jáne oblystyq mańyzy bar qalalarǵa, astanaǵa, qaladaǵy aýdandarǵa, eldi mekenderdiń quramdas bólikterine ataý berý jáne olardy qaıta ataý, sondaı-aq olardyń ataýlarynyń transkrıptsııasyn naqtylaý men ózgertý kezinde tıisti aýmaq halqynyń pikirin eskerýdi uıymdastyrady jáne máslıhattardyń qaraýyna engizedi. Halyqtyń pikiri ákimder uıymdastyrǵan jergilikti qoǵamdastyq jınalystarda tyńdalady. Sodan keıin jergilikti BAQ arqyly qalyń jurtqa taratylady. Tıisti máslıhattardyń turaqty komıssııalarynyń hattamasymen resimdelgen halyqtyńeskerilgen pikiri QR qoldanystaǵy zańnama talaptaryna sáıkes tıisti onomastıka komıssııalarynyń qaraýyna usynylady.
Qujattyń tolyq mátini respýblıkalyq BAQ-tarda jarııalandy.
