Eldi mekenderdi aýyz sýmen qamtamasyz etýde jerasty sýlary kózderin anyqtaýǵa basymdyq berilýi tıis

Bul týraly búgin Úkimet otyrysynda Ekonomıkalyq damý jáne saýda vıtse-mınıstri Qýandyq Bıshembaev málim etti.

«Aýyz sýmen qamtamasyz etýdiń jańa baǵdarlamasy aıasynda iske asyrylatyn mańyzdy maqsattardyń biri jerasty sýlary resýrstarynyń áleýetin paıdalanýdyń qamtamasyz etilýi», dep atap ótti vıtse-mınıstr.

Onyń pikirinshe, eldi mekenderge barynsha jaqyn jerasty sýlary kózderin anyqtaýǵa basymdyq berilýi tıis. Q.Bıshembaevtyń sózine qaraǵanda, jerasty sýlary lastanýdan taza bolǵandyqtan, halyqty sapaly sýmen qamtamasyz etýde erekshe ról atqarýy kerek. Osy oraıda vıtse-mınıstr atalǵan sý kózderin anyqtaýǵa 2018 jylǵa deıin jyl saıyn 6,2 mlrd. teńge qajet bolatyndyǵyn jetkizdi.