Eldi mekenderden 9 mıllıon tekshe metrden astam qar shyǵaryldy - TJK
ASTANA. QazAqparat - Bıyl jergilikti atqarýshy organdar turǵyn úılerdiń sý astynda qalýyn boldyrmas úshin eldi mekenderden 9 mıllıon tekshe metrden astam qar shyǵardy jáne bul jumystar áli de jalǵasýda. Bul týraly búgin Ortalyq kommýnıkatsııalar qyzmetindegi baspasóz máslıhatynda QR ІІM Tótenshe jaǵdaılar komıtetiniń tóraǵasy Vladımır Bekker málim etti.
Komıtet málimetine qaraǵanda, 2016 jylǵy sý tasqyny kezeńine daıyndyq aıasynda halyq pen óńirlerdi qorǵaý úshin 90 shaqyrymnan astam qorǵaý bógeti salynyp, qoldanystaǵy 455 shaqyrym bógetke jóndeý jumystary júrgizildi. Sonmyn qatar tasqyn qaýipti 180 shaqyrymǵa jýyq ózen arnalarynda jaǵa bekitý jáne tereńdetý jumystary atqaryldy.
Budan bólek, aǵymdaǵy jylǵy sý tasqynynyń aldyn alý men olardyń saldaryn joıý maqsatynda 27,5 myń tonna janar-jaǵarmaı, 400 myń tonnadan astam ınertti materıaldar, 1,3 mln. qap daıyndaldy.
Aıta keteıik, kóktemde bolýy múmkin tótenshe jaǵdaılarǵa daıyndyq maqsatynda 3-4 naýryz aralyǵynda «Kóktem» respýblıkalyq komandalyq-shtabtyq oqý-jattyǵýy ótkizildi. Onyń barysynda jeke quramy 141 650 adam men 17 myńnan astam arnaıy tehnıkasy bar apattyq-qutqarý qyzmetteriniń 10 myńnan astam quramasy is-qımyl jasaý úshin ázirlikke keltirildi.
