Eldi mekenderdegi bilim berý nysandarynyń 189-y apatty ǵımarattarda ornalasqan - QR Óńirlik damý mınıstrligi

ASTANA. 4 qyrkúıek. QazAqparat - Búginde eldi mekenderde bilim berý nysandarynyń 189-y apatty ǵımarattarda ornalasqan. Bul týraly búgin Úkimet otyrysynda Óńirlik damý vıtse-mınıstri Serik Jumanǵarın málim etti.

«Aýyldyq jerde mektepke deıingi mekemelerdiń, mádenıet jáne sport nysandarynyń tapshylyǵy baıqalady. Búginde densaýlyq saqtaý nysandarynyń 71 paıyzy beıimdelgen, bilim berý nysandarynyń 189-y apatty ǵımarattarda ornalasqan. Al, 92 mektepte oqytý 3-4 aýysymmen júrgiziledi», - dedi vıtse-mınıstr.

Onyń sózine qaraǵanda, ortalyqtandyrylǵan aýyz sýmen aýyl halqynyń 68 paıyzy qamtylǵan, al jergilikti mańyzy bar avtokólik joldarynyń 20 paıyzy kúrdeli jóndeýdi qajet etedi.