Eldi mekenderde sýmen jabdyqtaý jónindegi biryńǵaı operator qurý kerek - Májilis

NUR-SULTAN. QazAqparat – Eldi mekenderde sýmen jabdyqtaý men rekonstrýktsııalaý jónindegi biryńǵaı operator qurý kerek. Bul týraly Májilistegi parlamenttik tyńdaýda Indýstrııa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy QazAqparat tilshisi.

«Ulttyq statıstıka bıýrosynyń dereginshe, aýyldyq eldi mekenderdegi sý qubyry jelileriniń jalpy uzyndyǵy 43,9 myń shaqyrymdy quraıdy. Onyń ishinde 6,3 myń shaqyrymy aýystyrýdy talap etedi. Respýblıka boıynsha jumys istep turǵan sýmen jabdyqtaý júıeleri 40-50 jyl buryn salynǵan. Onda tehnologııalyq júıelerdiń tozýy, tehnıkalyq jaǵdaıynyń nasharlyǵy, sondaı-aq jıi bolyp turatyn apattar men tazartý qurylystarynyń tıimsiz jumysy baıqalyp otyr», - dedi Q.Óskenbaev.

Mınıstr jelilerdiń tozý sebepteri retinde mamandandyrylǵan kásiporyndardyń bolmaýyn, jumys istep turǵan kommýnaldyq kásiporyndardyń materıaldyq-tehnıkalyq bazasynyń álsizdigin aıtty.

«Іs júzinde salynǵan sý qubyry jelileri ákimdikterdiń teńgeriminde qalady nemese bilikti mamandary men arnaıy tehnıkasy joq beıindi emes kásiporyndarǵa beriledi», - dedi mınıstr.

«Búgingi parlamenttik tyńdaýda Májilis tóraǵasy atap ótkendeı, bul salada biryńǵaı operator qurǵan durys. Sebebi salynyp jatqan jelilerdiń sapasy tómendep ketedi. Bul nysandarǵa qaraıtyn bilikti mamandar da tapshy. Sondyqtan osy máseleni mańyzdy dep sanaımyz», - dedi vedomstvo basshysy.

Budan buryn habarlanǵandaı, Májilis tóraǵasy Erlan Qoshanov eldi mekenderde sýmen jabdyqtaý, sý burý júıelerin paıdalaný, jobalaý, salý jáne rekonstrýktsııalaý jónindegi biryńǵaı operator qurý kerek ekenin aıtty.