«Eldestirýdi eńselendire túsýge kelgen elshiler» - respýblıkalyq basylymdarǵa sholý

***

Keshe Elbasy Nursultan Nazarbaev Aqordada Ázirbaıjan Respýblıkasy, Irak Respýblıkasy, Qytaı Halyq Respýblıkasy, Pákistan Islam Respýblıkasy, Túrik Respýblıkasy jáne Ýkraına elderiniń Qazaqstandaǵy Tótenshe jáne Ókiletti Elshileri Zakır Gashımov, Radjeh Saber Abbýd ál-Mýsaýı, Chjoý Lı, Mohammed Týfaıl, Lale Úlker jáne Oleg Demınnen Senim gramotalaryn qabyldady. Osyǵan oraı el gazeti «Egemen Qazaqstanda» «Eldestirýdi eńselendire túsýge kelgen elshiler» degen taqyryppen kólemdi maqala basyldy. «Saltanatty jaǵdaıda Senim gramotalaryn qabyldaǵan soń Prezıdent Nursultan Nazarbaev olardyń aldynda qysqa sóz sóıledi. Elbasy aldymen dıplomattardy Qazaqstandaǵy qyzmetteriniń bastalýymen quttyqtap, ol kúnniń kúlli musylman qaýymy úshin qasıetti bolyp sanalatyn Oraza aıtynyń kúnine dóp kelip otyrǵanyn jaqsy nyshanǵa jorıtynyn tilge tıek etti. Odan ári Prezıdent elshilerdiń dıplomatııalyq jumystary Qazaqstannyń syrtqy saıası bedeliniń artyp, asa tanymal halyqaralyq uıymdarda tóraǵalyq etý kezeńimen sáıkes kelip otyrǵanyn aýyzǵa ala otyryp, ústimizdegi jyldyń 1-2 jeltoqsanynda Astanada EQYU sammıtiniń ótetinin eske saldy», dep jazady basylym.

«Keshe Premer-Mınıstr Kárim Másimov Reseı Federatsııa­synyń Úkimet basshysy Vladımır Pýtınmen telefon arqyly sóılesti», dep jazady «Egemen Qazaqstan» gazeti. Áńgime barysyna ekijaqty qarym-qatynastardyń kókeıkesti máseleleri, saýda-ekonomıkalyq qyzmettestik, sol sııaqty energetıka salasyndaǵy ózara is-qımyldar sóz boldy. Sonymen qatar osy kúni tústen keıin Premer-Mınıstr Úkimet janyndaǵy Ekonomıkany modernızatsııalaý jónindegi memlekettik komıssııanyń otyrysyn ótkizdi. Memlekettik komıssııa músheleri básekelestikti damytý, ınvestıtsııalardy tartý, arnaıy ekonomıkalyq aımaqtardy damytý jáne eksportty yntalandyrý, sol sııaqty Indýstrııa jáne jańa tehnologııalar mınıstrligi men Básekelestikti qorǵaý agenttigi usynǵan ınnovatsııalardy damytý jáne tehnologııalyq modernızatsııalaýǵa yqpal jasaý jónindegi salalyq baǵdarlamalardyń jobalaryn qarady.

Qazaqstandy ındýstrııalyq-ınnovatsııalyq elge aınaldyrý Memleket basshysynyń búgingi tańda alǵa qoıyp otyrǵan basty mindetteriniń biri. Bul turǵyda Sıngapýr, Fınlıandııa, Germanııa, Frantsııa sııaqty aldyńǵy qatarly elderdiń tájirıbeleri de zerttelýde. Osy máselege oraı «Egemen Qazaqstan» gazeti Indýstrııa jáne jańa tehnologııalar mınıstrligi qaramaǵyndaǵy "Injınırıng jáne tehnologııalar transferti ortalyǵy" AQ-tyń basqarma tóraǵasy Saıat Núsipovti áńgimege tartqan. Basylymnyń barlyq saýaldaryna tuşymdy jaýap bergen ol «Búgingi tańda tehnoparkter qyzmetiniń basym baǵyttary aıqyndalyp, óńirlerde birqatar sharalar ótkizildi. Sondaı-aq, tehnologııalyq bıznes-ınkýbatorlar, reıtıngtik júıeler, erkin tarıftik saıasat, basty tıimdilik kórsetkishter boıynsha baǵalaý sııaqty qyzmet kórsetý túrlerine qatysty tujyrymdama jasalyp, júzege asyrylýda», depti. Suhbattyń tolyq nusqasyn búgingi nómirden oqı alasyzdar.

***

Keshe elordadaǵy «Mınıstrlikter úıinde» Eýropalyq qaýipsizdik jáne yntymaqtastyq uıymynyń aldaǵy Sammıtin jarııalaý máseleleri boıynsha keńes ótip, oǵan Prezıdent Ákimshiligi basshysynyń orynbasary Máýlen Áshimbaev, Baılanys jáne aqparat mınıstri Asqar Jumaǵalıev, Syrtqy ister mınıstriniń orynbasary Konstantın Jıgalov qatysqan bolatyn. Osyǵan oraı «Aıqyn» gazetiniń búgingi sanynda «Elbasy bastamasy - qazaq eliniń tarıhynda buryn-sońdy bolyp kórmegen oqıǵa» degen taqyryppen maqala basyldy. «Oǵan elimizdiń jetekshi aqparat quraldarynyń basshylary shaqyrylǵan eken. Osynaý eýropalyq beldi uıymnyń AQSh bastaǵan batystyq 56 múshe-memleketiniń basshylaryn elordaǵa jııý - Elbasy Nursultan Nazarbaevtyń bastamasy bolyp tabylady. Bul - qazaq eliniń tarıhynda buryn-sońdy bolyp kórmegen oqıǵa. Sondyqtan onyń mán-mańyzy bıylǵy barlyq basqa saıası sharalardan bólekshe. Osy oraıda keshegi keńes barysynda BAQ jetekshilerine EQYU-nyń uly quryltaıyn nasıhattaý boıynsha usynymdar berildi», dep jazady basylym.

Sársenbide Pavlodar oblysynda bastalǵan órt qatty soqqan jeldiń saldarynan údeı túsýde. Alǵashqy kúnniń ózinde Sharbaqty aýdanyndaǵy «Ertis ormany» orman-toǵaı rezervatyna qarasty Kókjal, Maıqaraǵaı jáne Besqaraǵaı orman sharýashylyqtaryn qyzyl jalyn sharpydy. Aımaqtan kelip túsken sońǵy aqparatqa júginsek, osyndaǵy Kókjal orman-toǵaı sharýashylyǵynyń aýmaǵy 2 myń gektardy quraıtyn orman-toǵaı alqabyndaǵy órtti aýyzdyqtaý barysynda kúıik saldarynan 5 adam qaza bolyp, bir áıel jedel jergilikti aýrýhanaǵa jetkizildi. Sońǵy derekke júginsek, dál qazirgi ýaqytta Pavlodar oblysynda bastalǵan órt-jalyny kórshiles Shyǵys Qazaqstan oblysyndaǵy «Semeı ormany» rezervatyna qarasty Begenev orman sharýashylyǵynyń aýmaǵyna «aýyz saldy». Munda órt sharpyǵan aýmaqtyń kólemi 400 gektarǵa jetti. Oqıǵa aýmaǵyna ornalasqan Jandos aýylynyń 60-tan astam turǵyndary basqa jerge qonystandyryldy. Mamandardyń aıtýynsha, sekýndyna 22 metr jyldamdyqpen soqqan jel órttiń órshı túsýine yqpal etýde. Órt oryn alǵan aımaqqa jaqyn ornalasqan aýyl-qala turǵyndary jáne ózge de oblystyń órt sóndirýshileri órtti «aýyzdyqtaý» sharalaryna tartylýda. Bul týraly «Aıqyn» gazetindegi «Tilsiz jaý jalmap barady» degen taqyryppen basylǵan maqalada egjeı-tegjeıli baıandalǵan.

«Qazaqstanǵa arnap Gollandııada óndirilgen ónimde qazaq tiliniń mereıi ústem. Al qudaıy kórshimiz Reseıden shyqqan taýarda memlekettik tildegi jazýdy mıkroskoppen qaramasańyz taba almaısyz. Muny máseleniń arǵy jaǵy deıin desek, arǵysynan bergisi soraqy bolyp tur», dep jazady «Aıqyn» gazeti «Bir ónimniń ózinen 40 qate tabyldy» degen maqalasynda. Memlekettik tildi damytý Prezıdenttik qorynyń dırektory Azat Sháýeevtiń aıtýynsha, «Qazaqsha sóıleseıik!» aktsııasy aıasyndaǵy «Qyraǵy kóz» aılyǵyn uıymdastyrýshylar bas shahardaǵy dúkenderdiń birinen «Mıaso dlıa deteı» degen jazýdyń qazaq tilindegi nusqasy «Balalar eti» degen tárjimamen satylyp jatqanyn anyqtapty. Maqalanyń tolyq nusqasyn basylymnyń juma kúngi nómirinen oqı alasyzdar.

***

«Alash aınasy» gazetiniń alǵashqy betindegi «Kentaý 2 mıllıon tonna ýly zattyń astynda qaldy» degen maqala M.Áýezovtiń tilimen aıtqanda, Qarataý táji atanǵan Kentaýdyń búginderi qoqys-qalaǵa aınalǵanyn, onda da bul kenttiń ýly qaldyqtardyń astynda qalyp jatqandyǵyn aıtyp dabyl qaǵady. «ıÝjpolımetall» ÓK» AQ pen jergilikti ákimshilik bir-birine silteýiniń saldarynan munda, eleýsiz ǵana qoqys bolsa bir sári, 2 mıllıon tonna ýly zat zararsyzdandyrylmaı ashyq-shashyq jatyr. Negizi, taý bolyp úıilgen ýly hımıkattar qorshaǵan ortaǵa, adam aǵzasyna áseri bolmas úshin únemi sý astynda jatýdy qajet etedi. Alaıda bul qoqystar sý túgili, jabyq zatpen de búrkelmegen. «Kentaý qalasyna batys baǵytynan jel turǵan ýaqytta qala halqynyń ekologııalyq apatqa ushyraý qaýpi zor» deıdi mamandar.

Osy basylymnyń órkenıetke arnalǵan betindegi «Aqyndar qaıyr suraýǵa jaqyn júr» degen maqalada Semeıdegi Halyqtyq aqyndar ortalyǵyndaǵy jas órenderdiń jaǵdaıy týraly aıtylady. Halyqtyq aqyndar ortalyǵynyń jetekshisi Dámetken Omarbaevanyń aıtýynsha, osy ortalyqtyń túlekteri Rınat Zaıtovtyń, Sara Toqtamysovtyń 100-ge tarta izbasarlary búginderi kóringen esikti syǵalap, árkimnen aqsha suraýǵa májbúr. Basqa oblysty bylaı qoıyp, Semeıge tıip turǵan Pavlodar qalasynda jýyq arada ótetin aıtysqa shaqyrylǵan tórt aqyn alamanǵa bara almaı qalýy múmkin. ıAǵnı, balǵyndar babynda bolǵanmen, aıtys alamanyna barýǵa qarajat tapshy.

Alash aınasynyń Doda betindegi «Demeýshi bar, jebeýshi joq» atty maqaladan sońǵy kezderi jaǵdaılary qıyndap ketken «Qaırat» fýtbol komandasynyń «QazRosGazben» kelisimshartqa otyrǵandyǵynan habardar bola alasyzdar. Alaıda osy máselege qatysty arnaıy baspasóz máslıhatyna qatysqan gazet tilshisi oqyrmandy iri demeýshi de atalǵan fýtbol komandasynyń jaǵdaıyn sheshe almaıtyndyǵyna basa nazar aýdartady. Óıtkeni olar bólgen qarjynyń basym bóligi qaryzdy jabýǵa ketken, al basshylyq fýtbolshylardyń Elbasyna hat jazǵany úshin olardyń jalaqylaryn 50 paıyzǵa qysqartyp tastaǵan. Tipti, birqatar fýtbolshynyń komandadan qýylýy da múmkin.

***

«Keshe Memleket basshysy Nursultan Nazarbaev Halyqaralyq kórme bıýrosynyń (HKB) bas hatshysy Vınsent Gonsales Lossertalesti qabyldady», dep jazady «Kazahstanskaıa pravda» gazeti. Kezdesý barysynda Qazaqstanda "EKSPO-2017" ótkizý múmkindigi talqylandy. Bizdiń elimiz osy halyqaralyq kórmeni ótkizý úshin barlyq talaptarǵa sáıkes keletini atap ótildi.

- Qazaqstanda "EKSPO-2017" ótkizý úshin barlyq múmkindikter bar. Atap aıtqanda, elorda qarqyndy damýda, Qazaqstan Kıoto hattamasyn bekitti. Sonymen qatar Qazaqstan energetıka salasynda kósh bastap kele jatqan álem elderiniń biri bolyp tabylady, al "EKSPO-2017" kórmesiniń taqyryby energııanyń jańa túrlerimen baılanysty, - dedi jýrnalısterge arnalǵan brıfıngte HKB bas hatshysy.