Elden zańsyz shyǵarylyp, memleket kirisine qaıtarylǵan qarajattyń bári erikti túrde berildi - Jamaýbaev

Elden zańsyz shyǵarylyp, memleket kirisine qaıtarylǵan qarajattyń bári erikti túrde berildi. Bul týraly Premer-Mınıstrdiń orynbasary – Qarjy mınıstri Erulan Jamaýbaev aıtty, dep habarlaıdy Kazinform.

«Zańsyz alynǵan, shyǵarylǵan aktıvterdi qaıtarý jónindegi zań qabyldandy. Qazirgi ýaqytta zań jumys istep tur, komıssııanyń birneshe otyrysy ótti. Kapıtaldy qaıtarýdyń eki joly bar. ıAǵnı, erikti jáne májbúrli túrde. Bul oraıda tizilimge tap bolýy múmkin tulǵa komıssııaǵa óz erkimen kelip, «osy ýaqyttyń ishinde munsha qarjyny zańsyz taptym, endi ony Qazaqstanǵa ınvestıtsııalyǵym keledi» dep aıta alady. Ol óńirlerdegi, monoqalalardaǵy qandaı da bir mańyzdy áleýmettik-ekonomıkalyq jobany tańdap qarjylandyra alady nemese arnaıy ashylǵan shotqa aqshalaı ınvestıtsııa salady. Ol múlik nemese aktsııa, oblıgatsııa, baǵaly tastar túrinde de qaıtar alady. Sol úshin arnaıy kompanııa qurdyq», - dedi Erulan Jamaýbaev Májilistiń jalpy otyrysynan keıin BAQ ókilderiniń saýalyna oraı.

Onyń atap ótýinshe, memleketke qaıtarylǵan nysan mektep ne aýrýhanaǵa jaramdy bolsa, onda ol tıisti memlekettik organǵa qaıtarylady. Al bıznes úshin qyzyǵýshylyq týdyrsa, ond ashyq aýktsıon arqyly satylady ne básekelestik ortaǵa beriledi. Munyń bári zańda kózdelgen.

Sondaı-aq Qarjy mınıstri búginde 1 trln teńgeniń múlki, aktsııalary, kásiporyndary memleketke qaıtarylǵanyn aıtty. Olardyń bári memleket menshigine erikti túrde berilip otyr.