Elden shyǵýyna tyıym salynǵan boryshkerler qaryzyn tóleýde
ASTANA. QazAqparat - 2014 jyldyń birinshi jartyjyldyǵynda 4986 ákimshilik materıal boıynsha sot oryndaýshylary 3563 boryshkerge aıyppul salyp, 1071-in tutqyndasa, 68-ine eskertý jasady.
«Jalaqy boıynsha qaryzdardy óndirý jaıyna keler bolsaq, atalǵan merzimde sot oryndaýshylarynyń atqarýyndaǵy somasy 1,3 mlrd. tg. bolatyn 3768 qujattyń (2013 jyly - somasy 1,7 mlrd. tg bolatyn 3964 qujat) 1489-y tolyq kólemde oryndalyp, 393 mln. teńge óndirildi. Byltyrǵy osyǵan sáıkes kezeńdegi kórsetkishke qaraǵanda jalaqy qaryzyn óndirý jónindegi qujattar sany 191-ge azaıdy, al aıaqtalǵan qujattardyń úlesi bıyl 63,5 paıyzǵa jetti (2013 jyly - 54,2%). Qazirgi ýaqytta 1212 qujat oryndalýda, basym kópshiligi boıynsha azamattardyń shetelge shyǵýy shektelip, tyıym salynǵan múlikteri ótkizilýde», - delingen QR Ádilet mınıstrligi Sot aktilerin oryndaý komıtetiniń málimetinde.
Alıment óndirý boıynsha qujattardyń sany osy jyldyń alǵashqy jartyjyldyǵynda 207 790-ǵa jetti, olardyń 15 796-y nemese 7,6%-y aıaqtaldy (2013 j. birinshi jartyjyldyǵynda - 182 609, aıaqtalǵany - 12 121).
Jalpy alıment óndirý jumysy múmkindiginshe jandanyp keledi - bıylǵy 5 aıda qaryzyn múldem tólemegen jaǵdaılar boıynsha 18 544 qujat tirkelgen edi, qazirde olardyń sany 3 608-ge azaıdy. Aıtalyq, Almaty oblysy boıynsha sot aktilerin oryndaý departamentinde aldyńǵy bes aıda qaryzy tólenbeı kelgen 1 078 qujat bolsa, jartyjyldyq kórsetkish - 637 qujat.
Boryshkerlerdiń respýblıka aýmaǵynan tys shyǵýyna ýaqytsha shekteý qoıý jáne ákimshilik jazaǵa tartylýy, atqarý óndiristeriniń azaıýyna úlken septigin tıgizip otyr.
