Elden shyǵýyna tyıym salynǵan boryshkerler qaryzyn tóleýde - Sot aktilerin oryndaý komıteti
Jalaqy boıynsha qaryzdardy óndirý jaıyna keler bolsaq, atalǵan merzimde sot oryndaýshylarynyń atqarýyndaǵy somasy 1,3 mlrd. teńge bolatyn 3768 qujattyń (2013 jyly - somasy 1,7 mlrd. teńge bolatyn 3964 qujat) 1489-y tolyq kólemde oryndalyp, 393 mln. teńge óndirildi. Byltyrǵy osyǵan sáıkes kezeńdegi kórsetkishke qaraǵanda jalaqy qaryzyn óndirý jónindegi qujattar sany 191-ge azaıdy, al aıaqtalǵan qujattardyń úlesi bıyl 63,5%-ǵa jetti (2013 jyly - 54,2%). Qazirgi ýaqytta 1212 qujat oryndalýda, basym kópshiligi boıynsha azamattardyń shetelge shyǵýy shektelip, tyıym salynǵan múlikterin ótkizilýde.
Alıment óndirý boıynsha qujattardyń sany osy jyldyń alǵashqy jartyjyldyǵynda 207 790-ǵa jetti, olardyń 15 796-y nemese 7,6%-y aıaqtaldy (2013 j. birinshi jartyjyldyǵynda - 182 609, aıaqtalǵany - 12 121).
Jalpy alıment óndirý jumysy múmkindiginshe jandanyp keledi - bıylǵy 5 aıda qaryzyn múldem tólemegen jaǵdaılar boıynsha 18 544 qujat tirkelgen edi, qazirde olardyń sany 3 608-ǵa azaıdy. Aıtalyq, Almaty oblysy boıynsha sot aktilerin oryndaý departamentinde aldyńǵy bes aıda qaryzy tólenbeı kelgen 1 078 qujat bolsa, jartyjyldyq kórsetkish - 637 qujat.
Boryshkerlerdiń respýblıka aýmaǵynan tys shyǵýyna ýaqytsha shekteý qoıý jáne ákimshilik jazaǵa tartylýy atqarý óndiristeriniń azaıýyna úlken septigin tıgizip otyr, dep habarlaıdy Ádilet mınıstrliginiń baspasóz qyzmeti.
