Elden shyqpaǵan sheteldikterge ákimshilik jaýapkershilik engizilmek

ASTANA. KAZINFORM — Qazaqstannan tys jerde týǵan balalardyń azamattyǵyn anyqtaýǵa qatysty zańnama normasy pysyqtalyp jatyr. Bul týraly Úkimet otyrysynda Іshki ister mınıstri Erjan Sádenov aıtty. 

— Konstıtýtsııany tıimdi iske asyrý úshin quqyqtyq aktilerge, ıaǵnı quqyq qorǵaý qyzmeti, bosqyndar, daktıloskopııalyq (saýsaq izi) jáne genomdyq tirkeý jáne qarý aınalymyn memlekettik baqylaý týraly zańdarǵa túzetýler engiziledi. Odan basqa shetel azamattaryna shyqpaǵany úshin ákimshilik jaýapkershilik engizý, Qazaqstannan tys jerde týǵan balalardyń azamattylyǵyn anyqtaý sekildi normalardy pysyqtap jatyrmyz, — dedi mınıstr.

Onyń aıtýynsha, konstıtýtsııalyq deńgeıde bekitilgen normalar iske asyrylady. Olardyń qataryna zań men tártip ústemdiligin qamtamasyz etý, jeke ómirdiń jáne jeke derekterdiń qorǵalýy, sóz bostandyǵy qaǵıdatyn qamtamasyz etý, quqyq buzýshylyq nátıjesinde buzylǵan múliktik quqyqtardy qalpyna keltirý, ustaý kezinde mıranda erejelerin túsindirý bar.

— Atalǵan sharalar azamattardyń qorǵalýyn, qoǵamda zańdylyq pen quqyqtyń mádenıetti, quqyq qorǵaý organdary jumysynyń tıimdiligin jáne azamattardyń memlekettik ınstıtýttarǵa degen senimin arttyrýǵa yqpal etedi dep sanaımyz, — dedi ol.

Aıta keteıik, elimizde qylmystyq jáne ákimshilik quqyqbuzýshylyq boıynsha raqymshylyq jarııalanady.