Elden shettetilgen eki sheteldik aty-jónin ózgertip Atyraýǵa qaıta kelgen
Oblystyq polıtsııa departamenti baspasóz qyzmetiniń málimetinshe, «Mıgrant» jedel-profılaktıkalyq is-sharasy men «Іzdestirý» aktsııasyn ótip jatyr.
«Atalǵan is-sharalar kezinde Atyraý qalalyq polıtsııa basqarmasy krımınaldyq polıtsııa bólimi men kóshi-qon qyzmeti bóliminiń qyzmetkerleri qoǵamdyq orynda mas kúıde júrgeni úshin Qazaqstan Respýblıkasynyń aýmaǵynan 5 jylǵa shettetilgen sheteldikti ustady. Ózbekstan Respýblıkasynyń 33 jastaǵy azamaty óz eline baryp, jeke basyn rastaıtyn qujatyndaǵy aqparattardy ózgertip, Qazaqstanǵa keri kelgeni belgili boldy. Al, Ázerbaıjan Respýblıkasynyń 53 jastaǵy azamaty da dál osyndaı áreketke barǵan. Ol 2018 jyly sot sheshimimen qylmystyq jaýapkershilikke tartylyp, elimizdiń aýmaǵynan shyǵarylǵan. Alaıda, eline barǵan sheteldik tólqujatyn ózgertip, bıylǵy aqpanda Atyraýǵa qaıta kelgen», -deıdi kóshi-qon qyzmetiniń bastyǵy Qadyrbek Ábishov.
Onyń aıtýynsha, elge kirý zańnamasyn buzǵan sheteldikter kinásin moıyndaǵan. Qazir eki sheteldik sot sheshimimen ákimshilik qamaqqa alyndy. Іs-qujattar jınaqtalyp, el aýmaǵynan shyǵarý maqsatynda zańdy sheshim qabyldaý úshin sotqa joldandy.
