Elden bezgen Sýdan bosqyndary Marokkoda da tyǵyryqqa tirelip otyr
ASTANA. KAZINFORM - Sýdandaǵy soǵystan qashqan myńdaǵan adam Lıvııa men Aljır arqyly elden ketip jatyr. Alaıda jol-jónekeı olardy kóp qıyndyqtar kútip tur. Kóptegen adam azaptalyp, keıbiri quldyqqa ushyrap jatyr, dep jazady AlJazeera.
Marokko olar úshin tynyshtyq taýyp, aıaldaıtyn jer kóringenimen olar munda da tyǵyryqqa tirelip otyr.
Elde bosqyndarǵa qatysty tolyqqandy zań joq, al qoldaý negizinen BUU-nyń shekteýli resýrstaryna táýeldi. Bosqyndarǵa baspana berilmeıdi, resmı jumys tabý is júzinde múmkin emes – tirkelgenderdiń 0,5 paıyzynan azy ǵana jumys taaýyp, eńbekke aralasqan.
Qujattary bolsa da, adamdar qorqynysh jaǵdaıynda ómir súrip jatyr. Bılik mıgranttardy jıi eldiń ońtústigine nemese qaıtadan Aljırge kúshtep shyǵaryp jiberedi. Sonyń saldarynan myńdaǵan adam quqyqtyq vakýýmda qalyp, qarjylaı qoldaýsyz jáne mamandandyrylǵan medıtsınalyq kómekke qol jetkize almaı otyr.
Osyǵan deıin Sýdanda gýmanıtarlyq jaǵdaı qıyndap bara jatqany týraly jazdyq.
Sondaı-aq Taıaý Shyǵystaǵy soǵys saldarynan Sýdanda aýyzsý tapshy bolyp barady.
