Elden 5,8 mln tonna astyq eksporttaldy

ASTANA. KAZINFORM – «Qazaqstan temir joly» UK» derekterine sáıkes, 2025 jylǵy qyrkúıekten 2026 jylǵy 31 qańtarǵa deıin 5,8 mln tonna astyq eksporttalǵan. 

Qazaqstan óńirdegi astyqtyń negizgi jetkizýshileriniń biri retindegi pozıtsııasyn saqtaı otyryp, eksporttyq áleýetin nyǵaıtyp, jetkizý geografııasyn keńeıtýde.

«Qazaqstan temir joly» UK» derekterine sáıkes, 2025 jylǵy qyrkúıekten 2026 jylǵy 31 qańtarǵa deıin 5,8 mln tonna astyq eksporttalǵan. Bul ótken marketıngtik jyldyń sáıkes kezeńimen salystyrǵanda 1 mln tonnaǵa artyq (4,8 mln tonna).

Jetkizilimderdiń negizgi ósimi Ortalyq jáne Ońtústik Azııanyń dástúrli naryqtaryna tıesili.

— Ózbekstanǵa astyq eksporty 49%-ǵa artyp, 1 813 myń tonnadan 2 702 myń tonnaǵa jetti. Qyrǵyzstanǵa jetkizilim kólemi 1,7 esege ósip, 95 myń tonnadan 163 myń tonnaǵa deıin ulǵaıdy. Aýǵanstanǵa eksport 1,9 esege artyp, 216 myń tonnadan 416 myń tonnaǵa jetti, — delingen AShM habarlamasynda. 

Aıta ketelik Qyzylorda oblysynda 51 mlrd teńgeniń júgeri men soıany qaıta óńdeý jobasy iske asyrylyp jatyr.