Eldegi jylý-elektr ortalyqtarynyń qaryzy 19 mlrd teńgeden asqan

ASTANA. QazAqparat – Eldegi jylý-elektr ortalyqtary «QazTransGaz-Aımaq» AQ men «Bogatyr-Kómir» kásipornynyń aldyndaǵy qaryzy 19 mlrd teńgeden asqan, dep habarlaıdy QazAqparat tilshisi.

Energetıka mınıstri Almasadam Sátqalıev Úkimet otyrysynda osyndaı derek keltirdi.

«Energııa óndirýshi uıymdardyń otyn úshin kredıtorlyq beresheginiń edáýir kólemi mańyzdy problemalyq másele bolyp otyr. Máselen, energııa óndirýshi uıymdardyń «QazTransGaz-Aımaq» AQ aldyndaǵy bereshegi 12 mlrd 702 mln teńge bosla, «Bogatyr-Kómir» mekemesiniń aldyndaǵy qaryzy 6 mlrd 437 mln teńge jetken», - dedi ol.

Mınıstr jylytý maýsymyna qajetti otyn qoryn jetkilikti mólsherde qamtamasyz etpegen óńirlerdi atady.

«Energııa kózderiniń qoımalarynda kómir qory 2,7 mln tonna bolsa, mazýt qory 109 myń tonna. Bul rette, Shyǵys Qazaqstan, Aqmola, Qaraǵandy, Pavlodar oblystarynda jáne Almaty qalasynda kórsetilgen kásiporyndarda otyn qorynyń normatıvterden tómen normalary bar», - dedń Almasadam Sátqalıev.