Eldegi jel elektr stansalary 6 aıda 1,9 mlrd kVt/s elektr qýatyn óndirgen

ASTANA. QazAqparat – Eldegi jańartylatyn energııa kózderi jarty jylda 3 mlrd 350 mln kVt/s elektr qýatyn óndirgen, dep habarlaıdy QazAqparat tilshisi.

Energetıka mınıstrliginiń málimeti boıynsha, bul byltyrǵy jartjyldyqtyń qorytyndysymen salystyrǵanda 40% kóp.

Jańartylatyn energııa kózderin sala-sala boıynsha jiktesek, 6 aıdyń ishinde jel elektr stantsııalary 1 mlrd 910 mln kVts elektr óndirgen.

Shaǵyn gıdrologııalyq elektr stansalary 461,8 mln kVt/s, kún elektr stantsııalary 976,3 mln kVt/s, bıoelektr stantsııalar 1,8 mln kVt/s elektr energııasyn óndirgen.

Eldegi jańartylatyn energııa kózderinen alty aıdyń ishinde alynǵan elektr qýatynyń jalpy óndirilgen kólemdegi úlesi – 5,8%.

Aıta keteıik, Premer-Mınıstr Álıhan Smaıylov «Qazaqstan-Eýroodaq» dıalog platformasynyń 12-shi otyrysynda 2030 jylǵa deıin elimizde jańartylatyn energııa kózderiniń úlesi 15%-ǵa deıin artatynyn aıtqan bolatyn.

«Ekologııa máselesi – Qazaqstan ekonomıkasynyń ornyqty damýynda negizgi basymdyqtardyń biri. Máselen, 2030 jylǵa qaraı elimiz óziniń energııa teńgerimindegi jańartylatyn energııa kózderiniń úlesin aǵymdaǵy 4,5%-dan 15%-ǵa deıin arttyrýdy josparlap otyr», - degen bolatyn Úkimet basshysy.