Eldegi jáne saılaý ýchaskelerindegi jaǵdaı turaqty – ІІM

ASTANA. QazAqparat – Іshki ister mınıstrligi Ákimshilik polıtsııa komıtetiniń tóraǵasy Qaısar Sultanbaev Qazaqstan telearnasy ótkizip jatqan onlaın telemarafonda saılaý kúninde eshbir zań buzý faktisi tirkelmegenin aıtty, dep habarlaıdy QazAqparat tilshisi.

«Búgin saılaý ótip jatqanyna baılanysty ishki ister organdarynyń búkil jeke quramy qyzmet ótkerýdiń kúsheıtilgen túrinde jumys atqarýda. Búginde Qazaqstan boıynsha qoǵamdyq tártipti saqtaý jáne azamattardyń qaýipsizdigi qamtamasyz etý jónindegi is-sharalarǵa ishki ister organdarynyń 45 myńǵa jýyq qyzmetkeri jumyldyrylǵan. Saıla ý ótkizetin oryndarda quqyq buzý faktilerine jedel den qoıý úshin qosymsha jedel tergeý toptary qurylǵan. Bıýlletenderdi ákelgenge deıin búkil saılaý ýchaskeleri qaýipsizdik ke tekserildi. Saılaý oryndaryna bıýlletenderdi jetkizgen kezde polıtsııa alyp júrip, qaýipsizdikti qamtamasyz etti», - dedi ol.

Qaısar Sultanbaev polıtsııa ókilderiniń saılaý ýchaskesine qandaı jaǵdaıda bas suǵa alatynyn eske saldy.

«Saılaý týraly zańnyń 39-baby boıynsha polıtsııa qyzmetkerleriniń saılaý ótkizý protsesine aralasýǵa, daýys berýge arnalǵan úı-jaılarda bolýǵa quqyǵy joq. Sondyqtan bul rette saılaý ýchaskelerindegi qoǵamdyq tártipti buzý faktileriniń jolyn kesý úshin olar komıssııa tóraǵasy shaqyrǵan jaǵdaıda ǵana barady. Jalpy qazirgi ýaqytta eldegi jáne saılaý ýchaskelerindegi jaǵdaı turaqty. Qoǵamdyq tártipti buzý faktileri tirkelgen joq», - dedi komıtet basshysy.