Eldegi janarmaı naryǵyndaǵy jaǵdaı ońalýda - S.Myńbaev
TANA. 14 qazan. QazAqparat /Marlan Jıembaı/ - Janarmaı naryǵyndaǵy jaǵdaı ońalýda, tipti baǵanyń tómendeý úrdisi de baıqalady. Bul týraly búgin elordada Energetıkalyq áriptestik jónindegi qazaqstandyq-amerıkandyq birlesken komıssııanyń otyrsynan keıin BAQ ókilderiniń saýalyna jaýap bergen QR Munaı jáne gaz mınıstri Saýat Myńbaev málim etti.
«Tolyqtaı alǵanda benzın naryǵyndaǵy jaǵdaı túzelip keledi jáne jetispeýshilik kólem joq. Sonymen qatar ózderińiz baıqaǵan bolsańyzdar baǵanyń tómendeý úrdisi, atap aıtqanda dızel otynynda baıqalady», - dedi ol.
Aıta keteıik, búgingi jıyn barysynda Qazaqstan men AQSh-tyń fızıkalyq ıadrolyq qaýipsizdik jáne atom energetıkasy, kómirsýtek resýrstary, jańaratyn energııa kózderi jáne energııa tıimdiligi, elektr energetıkasy syndy salalardaǵy yntymaqtastyǵyn aıqyndaıtyn birlesken is-qımyl jospary qabyldandy.
