Eldegi zaǵıp jáne nashar kóretin azamattarǵa arnalǵan kitaphana qoryna 8282 kitap tústi
QR Mádenıet jáne sport mınıstrliginiń baspasóz qyzmeti taratqan málimetterge qaraǵanda, 2022 jyly kitaphana jartylaı ónerkásiptik Braıl prınterleri men Braıl dıspleılerin satyp aldy. Osynyń nátıjesinde MR3 formatta 17 kitap dybystalyp, 22 kitap núkteli-bederli qaripte basyp shyǵaryldy.
Kitaphananyń 3000-ǵa jýyq oqyrmany bar, kitap qory 260 myńnan asady. Onyń ishinde kórkem ádebıet, klassıkalyq jáne qazirgi zaman ádebıeti, otandyq jáne sheteldik avtorlar, poezııa, fantastıka jáne basqa da baǵyttaǵy basylymdar bar.
«Biz óz oqyrmandarymyzǵa kitaphanada ǵana emes, úıde de qyzmet kórsetemiz. Bizdiń osynda keletin múmkindigi joq 45 oqyrmanymyz bar. Olar bizge kerek kitaptaryn telefon arqyly tapsyrys beredi. Biz ár aptanyń sársenbisinde úılerine jetkizip beremiz»,- dedi Kitap qoryn saqtaý jáne abonement bóliminiń qyzmetkeri Nazym Arynbekova.
«Búginde kitaphana erekshe qajettiligi bar oqyrmandardyń rýhanı qarym-qatynasyn nyǵaıtyp, bos ýaqytyn tıimdi ótkizýge arnalǵan jáne túrli buqaralyq is-sharalarǵa qatysatyn ortalyq bolyp sanalady. Munda tek zaǵıp oqyrmandarǵa ǵana emes, sezý, estý qabileti tómen jandarǵa da basqa kitaphanalar kórsete almaıtyn qyzmet túrleri qoljetimdi»,-delingen habarlamada.
