Eldegi týý kórsetkishiniń 25 paıyzǵa artýy, al adam óliminiń 11 paıyzǵa kemýi densaýlyq saqtaý salasynyń qanshalyqty damyǵandyǵynyń kórsetkishi - S.Qaıyrbekova
TANA. 8 qyrkúıek. QazAqparat /Aıdar Ospanalıev/ - Qazaqstannyń densaýlyq saqtaý júıesinde 700-ge jýyq jańa nysandar salyndy.
Sonymen qatar densaýlyq saqtaý salasynyń ózi de aıtarlyqtaı damydy. Eldegi týý kórsetkishiniń 25 paıyzǵa artýy, al adam óliminiń 11 paıyzǵa kemýi osynyń aıqyn aıǵaǵy. Bul týraly búgin Astanada ótip jatqan «Bolashaq gospıtali» II halyqaralyq medıtsınalyq iskerlik forýmynda Densaýlyq saqtaý mınıstri Salıdat Qaıyrbekova málim etti.
Onyń sózine qaraǵanda, sońǵy ýaqytta elimizdegi adam ómiriniń uzaqtyǵy 2 jyldan asa artty. Basqasha aıtqanda, elde densaýlyq saqtaý salasyn ári qaraı jetildirýge myqty negiz qalandy. «Dúnıejúzilik densaýlyq saqtaý uıymy adamdar arasyndaǵy aýrýlar men mezgilinen buryn qaıtys bolý jaǵdaılaryn barynsha kemitip, azamattardyń densaýlyqtaryn nyǵaıtýǵa kúsh salyp otyr. Sondyqtan atalmysh uıym tek sońǵy birneshe jyldyń ózinde 10-nan astam strategııalyq qujattar qabyldady. Qazaqstan olardyń barlyǵyna qosyldy. Sondyqtan memleketimizdiń aldynda densaýlyq saqtaý salasy boıynsha turǵan mańyzdy mindetterdiń biri turǵyndardyń densaýlyqtaryn salaýatty ómir saltyn qalyptastyrý men juqpaly emes, sozylmaly aýrýlardyń sanyn azaıtý arqyly nyǵaıtý bolyp tabylady.
