Eldegi turaqty ekonomıkalyq jaǵdaıdyń arqasynda Renault avtokólikteriniń satylýy artýda - Denı le Vot
ALMATY. 28 shilde. QazAqparat /Ádilet Musahaev/ - Renault TMD elderi aýmaǵyndaǵy belsendi damýyn jalǵastyrýda jáne Qazaqstan Respýblıkasyndaǵy áreketin keńeıtetinin jarııalady.
Alǵa qoıǵan maqsatty iske asyrý úshin Renault jumys istep turǵan dılerlik ortalyqtarmen ózara jumysyn jalǵastyryp, birte-birte avtokólikterdiń úlgilik qataryn jańartpaq. 2011 jyldyń sońyna deıin qazaqstandyq naryqtaǵy saýdaǵa búkil álemge tanylyp úlgergen Renault Fluence pen Renault Megane enbek, olar 2011 jyldyń maýsymynan bastap kompanııanyń reseılik zaýytynda qurastyrylýda.
Renault-nyń Eýrazııa aýmaǵyndaǵy bas dırektorynyń orynbasary Denı le Vottyń aıtýynsha, qazaqstandyq naryq Renault úshin strategııalyq mańyzǵa ıe jáne bolashaqtan kóp úmit kúttiredi. "Eldegi turaqty ekonomıkalyq jaǵdaıdyń arqasynda orta klasstyń belsendi qalyptasýy jáne tutynýshylyq suranystyń jandanýy baıqalýda, bul qazirdiń ózinde Qazaqstandaǵy Renault avtokólikteriniń satylý ósimine ońtaıly yqpal etýde. Úlgilik qatardyń keńeıýine baılanysty keleshekte satylǵan Renault avtokólikteriniń jalpy sany tapjylmaı arta túsedi dep esepteımiz. Bizdiń avtokólikterdi tańdaýǵa yqpal etetin taǵy bir jaıt satyp alý sharttarynyń tıimdiligi men satylǵannan keıingi qyzmet kórsetý deńgeıiniń joǵarylyǵyna baılanysty bolmaq, mundaı sharttardy biz búkil álem boıynsha tutynýshylarymyzǵa usynamyz», - dep atap ótti Denı le Vot.
Qazirgi tańda Qazaqstan naryǵynda Renault: Logan (qoljetimdi otbasylyq sedan) men Sandero (yqshamdy qalalyq hetchbek) syndy eki úlgisi usynylǵan, olar Reseıdegi satylym kóshbasshylary qataryna kiredi eken. Aýa-raıy men jol erekshelikteri esepke alyna otyryp, RF-da qurastyrylǵan bul zamanaýı úlgiler Qazaqstan naryǵyna barynsha úılesimdi bolyp tabylmaq.
