Eldegi teatrlardyń barlyǵy bolashaqta jeke ıelikke ótedi - Prezıdent
sp;ASTANA. Qarashanyń 13-i. QazAqparat /Aıdar Ospanalıev/ - Qazaqstan «Mádenı mura» baǵdarlamasyn júzege asyryp otyrǵan biregeı memleket. Tarıhyn bilmegen eldiń bolashaǵy bulyńǵyr. Biz osyǵan deıin tarıhymyz 1917 jyldan bastaldy dep keldik. Bul árıne qate pikir.
Biz ózimizdiń arǵy tarıhymyzdy bilýimiz kerek. «Mádenı mura» baǵdarlamasy sol úshin jolǵa qoıylǵan shara. Bul týraly búgin tikeleı jeli arqyly joldanǵan turǵyndardyń saýaldaryna jaýap bergen Elbasy Nursultan Nazarbaev málim etti, dep habarlaıdy QazAqparat.
Memleket basshysynyń aıtýynsha, atalmysh baǵdarlamany júzege asyrý úshin respýblıka bıýdjetinen 2 mıllıard 700 mıllıon teńge bólindi. Al baǵdarlamanyń ekinshi kezeńine 4 mıllıard teńge saldyq. «Sonyń arqasynda tarıhı mańyzy óte joǵary 35 sáýlet eskertkishi, 17 qoldanbaly, 30 arheologııalyq ǵylymı-zertteý jumystary júrgizildi. Biz Qazaqstan tarıhyn zertteý úshin Eýropa men Qytaıǵa, Iran men Aýǵanstanǵa jáne ózge de birqatar aımaqtarǵa baryp, 5 myńǵa tarta jádigerler taýyp, kóptegen tarıhı maǵlumattardan qanyqtyq», dedi Prezıdent.
Sondaı-aq elimizde 60-qa jýyq respýblıkalyq jáne oblystyq deńgeıdegi teatrlar qalyptasyp keledi. «Amerıka Qurama Shtattarynda teatrlardyń barlyǵy jeke menshikte. Bizdiń de teatrlarymyz birte-birte damı otyryp, óz qamyn ózi kóretindeı jaǵdaıǵa jetýleri tıis. Oǵan árıne ýaqyt kerek. Memleket bul salaǵa sol úshin de qarajat bólip otyr. Árıne bul qarajatty óndiriske salatyn bolsaq, onyń da ıgiligin kórer edik. Biraq biz osy durys jol dep sheshtik. Bul memlekettiń qoldaýy», dedi Memleket basshysy.
