Eldegi saılaý tynysh ótedi- saıasattanýshy

NUR-SULTAN. QazAqparat - Belgili saıasattanýshy Aıdos Sarym Prezıdent kandıdatýrasyna Qasym-Jomart Toqaevtyń usynylýyna qatysty pikir bildirdi, dep habarlaıdy QazAqparat tilshisi.

«Bul tolyǵymen logıkalyq sheshim. Meniń oıymsha, bunyń birneshe faktory bar. Eń aldymen - Elbasynyń senimi. Ekinshiden, qazirgi Prezıdent retinde Qasym-Jomart Toqaev tranzıttiń negizgi maqsat-mindetterin qamtamasyz etti. Osydan keıin baryp bálkim, «Nur Otan» partııasy Toqaevty Prezıdent retinde usyný bastamasyn kóterdi», - deıdi Aıdos Sarym.

Saıasattanýshynyń boljaýyna qaraǵanda, eldegi saılaý tynysh ótedi.

«Meniń oıymsha, saılaýdyń basty ereksheligi - bılikke birneshe jyldan beri bolmaǵan «aýqymdy sandar men paıyzdar magııasy» áser etetin bolady. Qandaı da bir belgisizdik baıqalmaıdy. Sol sebepti, meniń oıymsha, saılaý tynysh jaǵdaıda ótedi», - deıdi Aıdos Sarym.

Eske sala ketsek, «Nur Otan» partııasy búgingi kezekten tys sezde Qasym-Jomart Toqaevtyń kandıdatýrasyn biraýyzdan qoldap, daýys bergen bolatyn.

Óz kezeginde QR Prezıdenti Qasym-Jomart Toqaev aldaǵy prezıdenttik saılaýǵa kandıdat retinde qatysatynyn málim etti.