Eldegi reformalar árbir QR azamaty óziniń bolashaǵyna senimdi bolýy úshin jasalýda - sarapshy V.Telnov
Bul týraly búgin «Nur Otan» partııasynda ótken «Nur Otan» partııasynyń XVII sezinde Prezıdent N.Nazarbaev alǵa qoıǵan Qazaqstandy damytý máseleleri» atty dóńgelek ústelde belgili sarapshy, Saıasattanýshylar kongresi basqarýshy dırektorynyń orynbasary Vladımır Telnov málim etti.
«Álemdik jaǵdaıdyń ýshyǵyp bara jatqan ahýalyna qarsy qadam retinde Qazaqstan Prezıdentiniń is-qımyly utymdy dep aıtýǵa bolady. Onyń «Nur Otan» partııasynyń XVII sezinde sóılegen sózi osyǵan dálel bola alady. Jahandyq daǵdarysqa qaramastan, onymen baılanysty barlyq qıyndyqtardy elemesten, Nazarbaev Qazaqstannyń barlyq salalarynda qol jetkizilýi tıis ǵalamat reformalardy jarııalady. Biz álemdik ekonomıkanyń, saıasattyń jáne qaýipsizdiktiń múldem jańa modeliniń qurylýy aldynda turmyz. Atalmysh mindet - barsha adamzat aldynda turǵan mindet. Sonyń ishinde, memlekettik deńgeıge keletin bolsaq, Qazaqstan halqynyń aldynda da qoıylyp otyrǵan mindet. Osyǵan Elbasy da meńzep otyr», - dep atap ótti sarapshy.
Onyń sózi boıynsha, «100 qadam» Ult josparynda kórsetilgen jańǵyrý reformalary tarıhı mindetterdi sheshýdiń joldaryn kórsetip berdi.
«Biz Elbasy aıtyp otyrǵan, jańarý men jańǵyrýdyń maqsattary men logıkasyn aıqyn túısinýimiz qajet: adamı kapıtaldy saqtap qalý jáne ony ulǵaıtý, Qazaqstan ekonomıkasyn jańǵyrtý, memleketti zaman talabyna saı etip qaıta qurylymdaý, bizdiń qoǵamnyń azamattyq belsendiligin joǵarylatý. Qazaqstanda «Jalpyǵa Ortaq Eńbek Qoǵamyna qaraı 20 qadam» atty tujyrymdamalyq baǵdarlamasynyń negizi - adam. Barlyq reformalar eń aldymen adamı kapıtaldy arttyrýǵa, adamnyń ómir standarttary sapasyn arttyrýǵa, quqyqtaryn saqtaýǵa, áleýmettik qoldaýǵa jáne jumyspen qamtýǵa baǵyttalyp otyr. Árbir QR azamaty óziniń bolashaǵyna senimdi bolýy tıis», - dedi V. Telnov.
