Eldegi ónimdilikti tıimdi júzege asyrý úshin 2014 jyldyń sońyna deıin 7-8 mlrd. dollar qajet

Bul týraly búgin BNews.kz ınternet portalynda ótken onlaın-suhbat barysynda Indýstrııa jáne jańa tehnologııalar ınstıtýty janyndaǵy «Qazaqstandyq ındýstrııa damytý ınstıtýty» AQ prezıdenti Meıram Qajyken málim etti.

Kompanııa prezıdentiniń aıtýynsha, aǵymdaǵy jyly «Ónimdilik-2020» baǵdarlamasyn júzege asyrýǵa shamamen 34,9 mlrd. teńge jumsaý kózdelgen. Onyń 19,9 mlrd. teńgesi respýblıkalyq bıýdjetten bolsa, qalǵan 15 mlrd. teńge shamasynda qarajat Qazaqstannyń Damý Bankinen qarastyrylyp otyr. «Meniń oıymsha, atalǵan baǵdarlamanyń eń osal tusy onyń qarjylandyrýy bolyp tabylady. Buǵan bir ǵana bıýdjetti jegip qoıýǵa bolmaıdy. Bizdiń baǵalaýymyzsha elimizdegi ónimdilikti arttyrý úshin 2014 jyldyń sońyna deıin 7-8 mlrd. dollar qajet etiledi. ıAǵnı bul salaǵa qomaqty qarajat qajet. Degenmen, bundaǵy negizgi qural el bıýdjetine emes rynoktyq ınstıtýttarǵa júktelýi shart. Osy baǵytta ónimdilikti qarjylandyrý qarajatyn shoǵyrlandyratyn naryqtyq qarjylyq júıeni qurýdyń mańyzy zor. Bul memlekettiń qatysýyn da bıznestiń ónimdiligin jańǵyrtýdy da jeńildetetin edi. Ekinshiden, sońǵy ýaqytta bıýdjet qarajaty júrgen jerden bıznes te qashqaqtaı bastady. Óıtkeni onyń qujatyn jınaýdan bastap, memlekettik organ tekseristerine deıingi «bas aýrýlary» óte kóp. Sondyqtan negizgi salmaqty naryqqa salý kerek», - dedi M. Qajyken.