Eldegi munaı kenishterin barlaýǵa bólinetin ınvestıtsııa eki ese azaıǵan

ASTANA. QazAqparat – Álemdegi kómirtegi saıaatynyń ózgerýi Qazaqstanǵa tartylatyn geologııalyq ınvestıtsııanyń kólemine keri áser etip jatyr. QR Ekologııa, geologııa jáne tabıǵı resýrstar mınıstri Serikqalı Brekeshev Úkimet otyrysynda osyndaı problema kóterdi, dep habarlaıdy QazAqparat tilshisi.

«Kómirsýtek shıkizatyn barlaýǵa tartylatyn ınvestıtsııanyń eki esege jýyq tómendegeni baıqalyp otyr. ıAǵnı, 140 mlrd teńgeden 79 mlrd teńgege deıin túsken. Bul negizinen jalpy álemniń kómirtegi úlesin azaıtý saıasatyna kóshýine baılanysty», - dedi ol.

Aıtýynsha, saladaǵy ınfraqurylym men bıznes-protsesterdi tsıfrlandyrýdyń tómen deńgeıde qalýy da ózekti problemaǵa aınalǵan.

«Kadr tapshylyǵy, jer qoınaýyn memlekettik geologııalyq zertteýge ǵylymı uıymdardyń jetkiliksiz deńgeıde qatysýy, geologııalyq aqparattyń saqtalý ınfraqurylymynyń damymaýy sekildi problemalardy jeke ataýǵa bolady. Osyǵan baılanysty geologııa salasyn damytýdyń 2023-2027 jyldarǵa arnalǵan tujyrymdamasy ázirlendi», - dedi Serikqalı Brekeshev.

Foto: bykvu.com