Eldegi qylmystyń 60 paıyzdan astamy urlyqpen baılanysty - Erlan Turǵymbaev
NUR-SULTAN. QazAqparat - QR Іshki ister mınıstri Erlan Turǵymbaev eldegi kúzet qyzmeti men polıtsııa ókilderiniń birlesken jumysy áli de jetildirýdi qajet etetitin atady, dep habarlaıdy QazAqparat tilshisi.
Mınıstrdiń aıtýynsha, quramynda 100 myńǵa jýyq adam jumys isteıtin eldegi jeke kúzet uıymdarynyń qoǵamdyq tártipti qadaǵalaýdaǵy áleýeti zor. Sol áleýetti birlese áreket etý arqyly tıimdi paıdalaný qajet.
«Qalaı desek te kúzet uıymdary men polıtsııa ókilderi eki bólek áreket etip júrmiz. Tek qylmys pen tosyn jaǵdaılar kezinde ǵana birlesip jumys isteımiz. Eldegi qylmystyń 60 paıyzy urlyqpen qatysty. Ár besinshi urlyq páterde tirkeledi. Buǵan kúzet qyzmeti men polıtsııa qyzmetkerleri birlesip, naqty tosqaýyl qoıýy qajet. Ol tosqaýyl qaǵazdar men esepter júzinde emes, naqty is júzinde jasalýy kerek», - dedi Erlan Turǵymbaev.
Іshki ister mınıstri «Smart-qala» jobasy aıasynda nysandardyń qaýipsizdigin zamanaýı tehnologııalardyń kómegimen kúzetý jumystary jemisin bere bastaǵanyn atady.
«Sergek» baqylaý júıesi Nur-Sultan qalasynyń joldaryndaǵy tártip buzýshylyqtyń 60 paıyzyn anyqtady. Qazaqstan boıynsha 2000-nan astam kúzet uıymy sıgnalızatsııa júıesin ornatýmen aınalysady. Ondaı júıeniń tıimdi ekenin ýaqyt kórsetip otyr. Nysan ıeleri úshin bul áldeqaıda arzanǵa túsedi. «Smart-qala» jobasy bul sıgnal quraldaryn uıaly telefonǵa jalǵaýǵa múmkindik beredi. Osyndaı jolmen jeke páterlerdi di kúzetýge bolady», - dedi Erlan Turǵymbaev.
