Eldegi kenishterdi tıimdi paıdalana almaǵan azamattardan qaıtaryp alý kerek - Memleket basshysy
Al jer qoınaýyn paıdalaný salasynda elde qyzmet etip jatqan kásiporyndardy shıkizatpen qamtamasyz etýde jáne jańa ındýstrııalyq jobalardy qoldaý úshin údemeli ındýstrııalyq-ınnovatsııalyq damý baǵdarlamasynyń barlyq talaptary oryndalýy qajet. Olardyń qatarynda tehnologııalar, qazaqstandyq qamtý, ekologııa sııaqty ózge de birqatar talaptar bar», dedi búgin Memleket basshysy Nursultan Nazarbaev Astanada ótip jatqan mıneraldy resýrstar men metallýrgııa jónindegi 1-shi qazaqstandyq halyqaralyq kongress barysynda.
Prezıdenttiń pikirinshe, elimizdiń shıkizat resýrstaryn paıdalaný salasynda mıneraldy-shıkizattyq keshendi damytýdyń arnaıy baǵdarlamasy júzege asýda. Atalmysh baǵdarlama boıynsha keshendi ári jan-jaqty taldaý sharalary men jer qoınaýyn paıdalanýǵa moratorıı engizý jumystarynyń qorytyndylary boıynsha tıisti jumystar júrgiziledi. «Men jaqynda jer qoınaýyn paıdalanýǵa belgili bir merzimge deıin moratorıı engizdim. Sebebi kóptegen azamattar elimizdiń qıyn-qystaý kúnderinde eldegi kenishterdi satyp aldy. Biraq oǵan qarjy salý máselesi boıynsha kelisimde kórsetilgen mindetterdi oryndamaıdy. Olar shóp qoryǵan ıt qusap, kenishterdi ne ózderi paıdalanbaıdy, ne ózgelerdiń paıdalanýyna bermeıdi. Biz bolashaqta mundaı kenishterdi kelisimde kórsetilgen mindetterdi oryndamaǵany úshin qaıtaryp alyp, ony tıimdi paıdalana alatyn azamattarǵa beremiz», dedi Elbasy.
Qazaqstan tabıǵı resýrstarǵa baı memleket. Sondyqtan elde tyń serpilis jasaýǵa, ıaǵnı básekege qabiletti elderdiń qataryna qosylýǵa qajetti múmkindikterdiń barlyǵy bar. «Alaıda bul resýrstardyń qaıtyp jańartylmaıtyndyǵyn este ustaý kerek.
Bizdiń memleketimizdiń bolashaǵy osy baılyqtardy qalaı paıdalanatyndyǵymyzǵa baılanysty», dedi Prezıdent.
