Eldegi iri kásiporyndardyń 90 paıyzy aqparattyq tehnologııalarǵa ınvestıtsııa salýda
ASTANA. QazAqparat - Qazaqstandaǵy iri kásiporyndardyń 90 paıyzy aqparattyq tehnologııalarǵa ınvestıtsııasyn ósirip jatyr. Jaǵymdy trend týraly «Zerde» ulttyq ınfokommýnıkatsııa holdıngi» AQ basqarma tóraǵasy Rýslan Eńsebaev aıtyp berdi, dep habarlaıdy «QazAqparat» HAA tilshisi.
Holdıng basshysy sózin 2017 jylǵy aqparattyq telekommýnıkatsııa salasynyń damý qorytyndysy men osy jylǵy «Tsıfrlyq Qazaqstan» memlekettik baǵdarlamasynyń negizgi baǵyttarynan bastady.
«2018 jyly «Zerde» holdınginiń «KPMG» kompanııasymen birlese ınfrakommýnıkatsııalyq tehnologııalardyń taldaýyn júrgizdi. Atalmysh taldaýdyń nátıjesi boıynsha, biz aıtarlyqtaı ósim baryn baıqap otyrmyz. Onyń aldyndaǵy birneshe jylda birshama qalys qalyp bara jatqanymyz kórinip turatyn. 2017 jyldyń qorytyndysy boıynsha ósim 3 paıyzdy kórsetip otyr», - deıdi holdıng basshysy.
Rýslan Eńsebaevtyń sózine sensek, Qazaqstanda ІT-ónimderiniń eksporty birshama azaıǵan.
«Buǵan eń aldymen biz óz ónimimizdi jetkizgen elderde ımporttyń ornyn aýystyrý saıasaty júrgizilip jatyr. Ol elderde ekonomıkanyń álsireýi baıqalady. Sondaı-aq, Qazaqstanǵa ІT-ónimderdiń ımportynyń mólsheri tómendedi», - deıdi ol.
Rýslan Eńsebaev degenmen de jaǵymdy trendterdiń baıqalatynynan habardar etti.
«Іri kompanııalardyń 90 paıyzy aqparattyq tehnologııalarǵa salǵan ınvestıtsııalaryn ósirip jatyr. Bul álbette, álemdik trendterdi eskersek, óte durys qadam. Tsıfrlyq tehnologııalardyń ónimdilikke qalaı áser etetinin barlyq kásiporyndar túsinip otyr. Kásiporyndardyń bul baǵyttaǵy shyǵyndarynyń 30 paıyzy aqparattyq baǵdarlamalarǵa, 30 paıyzy - qurylǵylarǵa, 25 paıyzy osy jobalardy iske asyrýdaǵy ishki personaldarǵa jáne 15 paıyzy ǵana ІT-qyzmetterdi damytýǵa jumsalady», - dep túıdi Rýslan Eńsebaev.
